Tuesday, 4 August, 2020

நோயற்ற வாழ்வே குறைவற்ற செல்வம்!

(டாக்டர் ஏ.பீ.முகமது அலி, பிஎச்.டி.(ஐ.பீ.எஸ் (ஓ )

உலகில் கொரானாவின் பாதிப்பு ஒரு கோடியே 80 லக்சமும் இறப்பு 6 லக்சம் 89 ஆயிரமும், இந்தியா உலகில் நான்காவது இடத்தில் 18,12,770 பாதிப்பும்,  இறப்பு 38, 249 ம் இதுவரை உள்ளது. ஆனால் அதற்கான மருந்தும், ஊசியும் பல கோடிகள் செலவு செய்து கண்டுபிடிக்கும் நிலையில் உள்ளன, ரஷ்யா நாடு ஊசியினை கண்டு பிடித்து விட்டோம் என்று கூறினாலும் அதன் பயன்பாட்டிற்கு அக்டோபர் மாதம் ஆகும் என்று கூறுகிறது. ஆக  இந்த வருட கடைசியாகும் என்று செய்திகள் வந்த வண்ணம் உள்ளன. ஆனால் உலக சுகாதார சேர்மன் டாக்டர் டெட்ரஸ் அதனான் அவர்கள் 3.8.2020 ல் கொடுத்தப் பேட்டியில் கொரானாவிற்கு மருந்து கண்டுபிடிக்காமலும் போகலாம் என்றும் ஆகவே மக்கள் கை கால்கள் சுத்தம், மனித இடைவெளி, முகக் கவசம், மக்கள் கூடுவதினை தடுப்பதும்,  ஆரோக்கியமாக வாழப் பழகிக் கொள்வதோடு, மூச்சுப் பயிற்சியினை மேற்கொள்ளவேண்டும் என்று கூறியிருக்கிறார்.

            பிறகு எப்படி கொரானா ஆபத்திலிருந்து மீண்டார்கள் என்று சொல்கின்றார்கள் என்றால், பழங்கால சித்தா, ஆயுர்வேதிக், யுனானி, மருந்துகளாலும், ரம்டசிவர் என்ற நோய் எதிர்ப்பு மாத்திரையாலும், தனிமைப்படுத்துதலாலும், தனிமனிதர் இடைவெளியினாலும், உடல் வெளி சுத்தத்தினாலும், மனிதனின் நோய் எதிர்ப்பு சக்தியாலும், முகக்கவசம் அணிவதாலும் கட்டுப்படுத்தமுடிகிறது என்று சொல்லலாம்.

            இதனையே தான் நமது முன்னோர்கள் தங்களுக்கு அருகில் கிடைக்கும் பல மூலிகைகளால் பல நோய்களை விரட்டி உள்ளார்கள். உதாரணத்திற்கு கொரானா ஒருவருக்கு இருக்கின்றது என்றால் வேப்பிலை, வெற்றிலை, சுக்கு, மஞ்சள் பவுடர், கல் உப்பு,கலந்து சூடாக்கி உள் நாக்கு தொண்டை வரை படும் படி வாய் கொப்பளிக்கும் படியும், ஆவியினை மூக்கின் வழியாகவும், வாய் வழியாகவும் சுவாசிக்கவும், நாட்டு பருந்துகள் கலந்த கபசுர நீர் அருந்தியும், வெளியில் சென்று வந்தால் கைகால்கள் தண்ணீரால் சுத்தம் செய்யவும், சாவு வீட்டுக்கு சென்று வந்தால் ஆடைகளை துவைக்கச் சொல்லியும், வெளி காற்று உள்ளே வரும்படி வீடுகள் அமைத்து வாழ்ந்து, வயல்களில் இறங்கி குடும்பமே வேலை பார்த்தும், வயல்களில் கிடைக்கும் காய் கறிகள், கனி வகைகள், கம்பு, சோளம், கேப்பை போன்ற தானியங்களில்  சமைத்த உணவுகள் அதிகமாக உபயோகித்ததாலும் நோய் எதிர்ப்பு சக்தி உள்ளவர்களாக வாழ்ந்தார்கள்.  ஆனால் அவைகளை எல்லாம் மறந்ததினாலும் நாகரீக வாழ்க்கையும், துரித உணவு பழக்கங்களாலும் உடல் வலுவிழந்து  இன்று கொரானா நோய் பாதிப்பில் இந்தியாவில் டாக்டர்கள் 43 பேர்கள் உள்பட 38, 249பேர்கள்  மடிந்துள்ளனர் என்று நினைக்கும் போது நெஞ்சம் பதறவில்லையா?

            அவ்வாறு நாம் மறந்ததினால் நோயினைக் கட்டுப் படுத்த அரசே 'லாக் டவுன்' என்று கட்டுப் பாடுகளை விதித்துள்ளது நான்கு மாதங்களாக. இந்தியா தன்னிறைவு அடைய வேகமாக முன்னேறிக் கொண்டிருக்கும் போது இந்த கொடிய நோய் பாதிப்பு அதனைத் தொடர்ந்த கட்டுபாடால், பொருளாதாரம், பிள்ளைகளின் படிப்பு பாதித்து, உடல் உழைப்பின்றி வீட்டினில் முடங்கிக் கிடந்து உடல் பாதித்து, பல்வேறு குடும்பப் பிரச்சனைகள் பூதாகரமாக வெடித்தும், பாலின தவறுகளும், கொலை, கொள்ளை, வழிப்பறி, மதுக்கடத்தல் போன்றவற்றில் மாணவர்கள் உள்பட சம்பந்தப் பட்டிருப்பது சமூக பிரட்சனையாக இருக்கவில்லையா? அது மட்டுமா, லாக் டவுனால் 43 சதவீத மக்கள் மன உளைச்சலில் உள்ளனர் என்று மன நல ஆய்வாளர்கள் சொல்லுகின்றனர். இந்தியாவில் மார்ச் மாதம் கொரானா நோய் பரவ ஆரம்பித்ததுமே உலக சுகாதார நிறுவனம், மும்பையிலுள்ள தாராவியில் அதிக பாதிப்பும், இறப்பும் ஏற்படும் என்று கூறின. ஏன் அவர்கள் அப்படி கூறினார்கள் என்றால் 2.5 கிலோமீட்டர் சுற்றளவில் உள்ள தாராவியில் 10 லட்சம் மக்கள் வசிக்கின்றனர். அதனால் மஹாராஷ்டிரா அரசு பல்வேறு முன்னெச்சரிக்கை நடவடிக்கை எடுத்தது. ஆனால்அதற்கு மாறாக அங்கு பாதிப்பு குறைவே. அதற்கு காரணம் என்ன என்று ஆய்வாளர்கள் கூறும்போது 57 சதவீத மக்கள் உழைப்பாளர்கள். உடலில் நோய் எதிர்ப்பு சக்தி இருப்பதால் தாராவி மக்கள் கொரானா பாதிப்பில் பெரிதும் பாதிக்கவில்லை.

            சென்னையில் தான் தமிழ்நாட்டிலே பாதிப்பு அதிகம். ஆனால் பாதையோர மக்களை நோய் பாதித்ததா அல்லது அவர்கள் மிகக் கவசம் அணிகிறார்களா என்றால் குறைவே எனலாம். ஏனென்றால் அவர்களில் பெரும்பாலும் உடல் உழைப்பால் வாழ்க்கை நடத்துபவர்கள், ஏதாவது நோய் ஏற்பட்டால் அருகில் கிடைக்கும் பொருளை வைத்து சுகமாக்கிக் கொள்வார்கள், ஏனென்றால் அவர்களால் எங்கே ரூபாய் ஐநூறு ஆயிரம் என்று டாக்டர் பீஸ் கொடுக்க முடியும்? அல்லது லக்ஷ கணக்கில் செலவழித்து மருத்துவமனையில் சிகிச்சை பெறமுடியும்? ஆகவே நாமும் வருமுன் காப்பாற்றிக்கொள்ள என்னென்ன நடவடிக்கையோ அவைகளை நமது தாத்தா -பாட்டி எப்படி கடைப் பிடித்தார்களோ அதேபோன்று நடந்து கொள்ள வேண்டும்.

அப்படி என்னென்ன  பொருள்களைக் கொண்டு நோய்களை தடுத்தார்கள் என்று கீழ்கண்டவாறு காணலாம்:

1) இருமல், கக்குவான், சளித்தொல்லை என்றால் வீட்டின் முன்போ அல்லது, வீட்டின் பின்போ வளர்க்கும் ஓம வள்ளி இலை, துளசி இலை ஆகியவற்றை கொதிக்க வைத்துதேனுடன் கலந்து  சாப்பிட்டும் , ஆவி பிடித்தும் வந்தால் இருமல், சளித்தொல்லை படிப்படியாக குறையும்.

 2) மனிதனுக்கு மலம், ஜலம் சரியான நேரத்தில் வந்து விட்டால் உடலில் கழிவு ஓடிவிடும். ஆனால் மலச்சிக்கல் ஏற்பட்டால் அவஸ்திப் படுவதுடன், மூல நோய்க்கும் வழிவகுக்கும். ஆகவே  அமெரிக்காவின் தெற்கு கரோலினா பல்கலைக் கழக பேராசிரியர் டாக்டர் புசிவிஸ் ஆளி விதைகளை பொடி செய்து ஒரு நாளைக்கு  2 அல்லது 3 தேன் கரண்டி அளவிற்கு சாப்பிட்டு வந்தால் ஆளி விதையில் நார் சத்து இருப்பதினால் மலச்சிக்கல் குறையும் என்று கூறுகிறார்.

3) மனச்சோர்வு அல்லது மனக்கவலையுடன் இருந்தால், ஏலக்காய் பவுடரில் கொதிக்க வைத்த டீயினை 2 அல்லது 3 தடவை குடித்து வந்தால் மனசோர்வு குறையும் என்று மும்பையில் இருக்கும் தலை சிறந்த ஊட்டச்சத்து நிபுணர் சார்மின் டி. ஸ்யோசா கூறுகின்றார்.

4) டெல்லியினைச் சார்ந்த ஊட்டச்சத்து நிபுணர் லங்கேட் பத்ரா அவர்கள் டயாரியா வயிற்றுப்போக்கினை தவிர்க்க வாழைப் பழம் சாப்பிட பரிந்துரைத்துள்ளார். ஏனென்றால் வாழைப் பழத்தில் 'பெக்டின்' என்ற வேதியம் இருப்பதால் குடலில் உள்ள நீரை உறுஞ்சி டயாரியாவினை கட்டுப் பாட்டுக்குள் வைப்பதுடன், மலச்சிக்கலையும் சரி செய்யும் என்று கூறுகிறார்.

5) அதிக நேரம் விழித்திருந்தால் கண்ணெரிச்ச ஏற்படும். அப்போது வெள்ளரிக்காயினை நறுக்கி இரண்டு கண் இமையின் மேல் வைத்து 15 நிமிடம் கண்ணை மூடிக் கொண்டு படுத்திருந்தகள் கண்ணுக்கு ஓய்வு கொடுத்ததுடன், கண் எரிச்சலும் சரியாகும்.

6) காய்ச்சல் 100 டிகிரிக்கு மேல் வந்தால், வெந்தயத்தினை வறுத்து, மிளகு, கருஞ்சீரகம், இலவங்க பட்டை பவுடர்  ஆகியவற்றினை கலந்து கொதிக்க வைத்து குடித்தால் காய்ச்சல் பறக்கும் என்று மும்பை நிபுணர் டி.சோஸா கூறுகின்றார்.

7) சிலருக்கு ஜீரணிக்காமல் சாப்பிட்ட உணவு வயிற்றிலிருந்து தொண்டை வரை reflux என்று சொல்லுவது போல வந்தால் அமிர்த வள்ளி இலை, கொய்யா இலை ஆகியவற்றினை கொதிக்க வைத்து குடித்து வந்தால் மேல் நோக்கி சாப்பிட்டது வருவதனை தடுக்கலாம். அத்துடன் காரமான உணவுகளையும் தவிர்க்க வேண்டும்.

8) கவுட்' என்று ஆங்கிலத்தில் சொல்லப் படும் யூரிக் ஆசிட்  கை, கால் மூட்டுகளில் வீக்கம் ஏற்பட்டு வேதனை ஏற்பட்டால் கோகிலாக்ஸ்சா என்ற நீர் முள்ளி இல்லை, பூவினை கொதிக்க வைத்து குடித்தால் கவுட் குறைந்து விடும்.

9) வேலைப் பழு, மன அழுத்தம் ஏற்படும்போது பருப்புக் கீரையினை சமைத்து சாப்பிட்டாலும், அதன் எண்ணெயினை நெற்றியில் தடவினாலும் குறைந்து விடும்.

10) விக்கல் ஏற்படும்போது ஒரு கட்டி சீனியினை சாப்பிட்டால் அது ஈரலுக்கும், குடலுக்கும் இடையே உள்ள சவ்வில் பரவி விக்கலை நிறுத்தும் என்று அமெரிக்கா கலிபோர்னியா ஓக்லாண்ட் ஊட்டச்சத்து நிபுணர் கிளார் மார்ட்டின் கூறுகின்றார்.

 

11) சாப்பிட்ட பொருள் ஜீரணமாவதற்கு பெரும்சீரகத்தினை கொஞ்சம் சாப்பாட்டிற்கு பின்பு சாப்பிட்டால் இலகுவாக ஜீரணிக்கும். பெரும்பாலான பெரிய ஹோட்டல்களில் இதனை பில்லுடன் சேர்த்து தருவதினைக் காணலாம்.

12) தூக்கமின்றி தவிக்கும்போது அமுக்கிரா செடியிலிருந்து தயாரிக்கப் படும் அஸ்வகந்தா சாப்பிட்டு வந்தால் நரம்பினை இலகுவாக்கி சீக்கிரத்தில் தூக்கம் வரும்.

13) கிட்னியில் கால்சியம் சேராமல் தடுப்பதற்கு ஒரு நாளைக்கு 100-120 மில்லி எலுமிச்சை சாறு சாப்பிட்டால் கால்சியம் சேருவதினை தடுக்கலாம்.

14) பெண்களின் ரத்தப் போக்கு சம்பந்தமான பிரச்சனைகளுக்கு பிரியாணி இலை, மிளகு பவுடர், சீரகம், மஞ்சள் பவுடர் ஆகியவற்றினை நீரில் கொதிக்க வைத்து குடித்து வந்தால் ரத்தப் போக்கு சீராகும் என்று டாக்டர் டி சோசா கூறுகிறார்.

15) மயக்கம் வருவதுபோலோ அல்லது கற்பிணி  பெண்கள் 'மார்னிங்' சிக்கன்ஸ் என்ற மயக்கம் ஏற்பட்டாலோ இஞ்சியினை சாராக்கி சிறிது தேன் கலந்து சாப்பிட்டால்  மயக்கம் சரியாகும்.

16) சிறுநீரக கோளாறு உள்ளவர்கள் குருதி நெல்லி அல்லது சீமை களாக்காய் என்று அழைக்கப் படும் 'கிரேன் பெரி' என்ற பழத்தின் சாறை குடித்து வந்தால் சிறு நீரக பாதையில் ஏற்படும் நோய் தடுக்கப் படும் என்று 373 பாதிக்கப் பட்ட பெண்களிடம் ஆய்வு செய்ததில் நல்ல பலன் கிட்டியதாக சொல்லப் படுகிறது.

17) சித்த, ஆயுர்வேத மருத்துவங்களிலும் ஆப்ரிக்கா, சீன மருத்துவத்தில் பெரிதும் பயன் படத்தப் படும் மூலிகை Gotukola என்ற வல்லாரையாகும். இந்த செடியின் இலையை எடுத்து வேகவைத்து வடிகட்டி அந்த தண்ணீரை குடித்து வந்தால் குட்டம், கால் நரம்புகள் சுருங்கி முடிச்சு விழுவது(vericos vein) தடுக்கப் பட்டும், நினைவு சக்தி குறைவு, பெண்களுக்கு வெள்ளைப்படுதல் போன்ற நோய்களுக்கு மருந்தாகும்.

19) கண் பார்வை சீராக அமைய மீன்கள் சாப்பிடுவது அவசியம். அது மட்டுமல்லாமல் டூனா,வஞ்சரம், நங்கூர மீன், சால்மன் என்ற கிழங்கன் என்ற மீன்களில் தயாரிக்கப் படும் 'cod liver oil' கண்ணில் உள்ள நரம்புகளில் ரத்த ஓட்டம் அதிகப் படுத்தும்.

20) தேன் பலவகைகளில் மருத்துவ குணங்கள் கொண்டது. தீக்காயம் பட்டால் அந்த இடத்தில் தடவவும், தீட்டு நின்ற நடுத்தர பெண்களுக்கு சத்துக் குறைவினை ஈடு கட்டவும், வாய், பெண் உறுப்பில் அரிப்பு ஏற்பட்டால் தடுத்து நிறுத்தவும் உதவும். ரத்தத்தில் சுகர் அளவினை சீராக்க ஸ்வீட்ட்னர் என்ற சீனி கட்டிக்கு பதிலாகவும், கிட்னியில் ஏற்படும் கேன்சர் நோய் பரவாமல் கட்டுப் படுத்த, மூல நோய், மலத்தில் ரத்தம் பரவாமல் தடுக்க, காயங்கள் ஏற்படும் போது குணமாக, கர்ப்பம் உண்டாக்க ஆண் மற்றும் பெண் அணுக்கள் உற்பத்தியாக, தோல் அரிப்பு நோயை தடுக்கவும் தேன் சிறந்த மருந்தாகும்.

21) வைட்டமின் சி அடங்கிய ஆரஞ்சு, சாத்துக்குடி, எலுமிச்சை பழச்சாறு இருமல், வயிற்றுப் போக்கு, மூச்சுத்திணறல் போன்றவற்றை தடுத்து நிறுத்தும்.

22)  காட்டு சீதா பழங்கள் புற்று நோயிக்கு மிகவும் சிறந்த மருந்தாகும்.

            நான் மேலே சொன்ன தகவல் ஆய்வுக்குப் பின்னர் குணமடைந்து வெளியிட்ட தகவல்கள். அவை அனைத்தும் நம் கண்முன்னே கிடைக்கின்றன. நம் முன்னோர்கள் எத்தனை பேர்கள் ஆங்கில மருந்துக்காக ஆஸ்பத்திரி நோக்கி படையெடுத்தார், சொல்லுங்கள் பார்ப்போம். நான் சிறு பின்னையாக இருந்தபோது கபடி, கால்பந்து விளையாட்டில் அடிபட்டால் என்னுடைய தாய் அம்மிக்கல்லில் மஞ்சள் அரைத்து அதன் மேல் போட்டால் அடுத்த நாள் சரியாகிவிடும். சளி தொல்லையிருந்தால் துளசி செடி  சாற்றை பிழிந்து தேன் கலந்து கொடுத்து சரி செய்து விடுவார்கள். அல்லது அருகில் உள்ள நாட்டு வைத்தியரிடம் காட்டி மருந்து வாங்கி சரி செய்வார்கள். அதனையெல்லாம் நாம் நம் பிள்ளைகளுக்கு எடுத்துச் சொல்ல மறந்தோம் ஆகவே நம்

 பிள்ளைகள் மருத்துவமனை மருத்துவமனையாக அழைத்து கொண்டுள்ளார்கள். நமது வீட்டின்கொல்லைப் புறத்திலோ, மொட்டை மாடியிலோ, பால்கனியிலோ துளசி, ஓமவல்லி, அலோ வேரா என்ற கத்தாழை போன்ற

 செடிகள் வளர்க்க வேண்டும். வீட்டில் தேன் போன்ற அத்தியாவசிய பொருட்கள் வைத்திருக்க வேண்டும், துரித உணவு வகைகளை ஊக்குவிக்கக்கூடாது. கம்பு, கூலு, கேட்பை போன்ற  உணவுகளை அதிகமாக குழந்தைகளுக்கு கொடுத்து உடலில் ஊட்டச்சத்தினை கொடுத்தால் எந்த நோயையும் எதிர் கொள்ளலாம்.

 


Thursday, 25 June, 2020

வெள்ளை மனிதன் வடிக்கும் ஆனந்த கண்ணீரும், கருப்பு மனிதன் சிந்தும் வேர்வையின் சுவை உப்பே!



(டாக்டர் ஏ. பீ. முகமது அலி, பி.எச், டி. ஐ.பீ.எஸ்(ஓ )
அமெரிக்காவின் மின்னாபோலிஸ் என்ற இடத்தில் 25.5.2020 அன்று ஒரு கடையில் கறுப்பின வாலிபர் 20 டாலர் நோட்டினை கொடுத்து பொருள் வாங்கும்போது கடைக்காரர் நோட்டின் தரம் குறித்து சந்தேகம் வர அவசர காவல் துறையினருக்கு(911) தகவல் கொடுத்துள்ளார். காவல் ரோந்துப் படையினர் விரைந்து வந்து ஜார்ஜ்   பிளாய்டு என்ற வாலிபரை  பிடித்து புறங்கையினில் விலங்கு மாட்டி காவல் வாகனத்தில் ஏற்றுவதற்கு முன்பு கீழே குப்பறத்தள்ளி அவரின் கழுத்தில் முனங்காலை வைத்து மூச்சு விடமுடியாது அழுத்த அவர் பரிதாபமாக இறந்தார். அந்தக் காட்சியினை சாலையில் நின்ற அனைவரும் கண்டு வெகுண்டெழுந்தனர். அதன் விளைவு உலகில் பல இடங்களில் அதுவும் குறிப்பாக  அமெரிக்க, ஐரோப்பா, இங்கிலாந்து நாடுகளில் போராட்டங்கள் எழுந்ததினை நீங்கள் அனைவரும் கண்டிருப்பீர்கள். அந்த ஆர்ப்பாட்டங்களுக்கு 'Black lives matter' என்று பெயர் இடப்பட்டுள்ளது. அது  மக்கள் இன வெறிக்கு எதிரான அஹிம்சா வழியில் ஒத்துழையாமை இயக்கம் என்று பொருளாகும். (Non violent civil disobedience ) அது எந்த அளவிற்கு போய்விட்டது என்றால், 'No more corps' ' abolish the Police' எங்களுக்கு போலீசே தேவையில்லை என்று சொல்லும் அளவிற்கு சென்று விட்டது.
            இதேபோன்ற சம்பவம் 2014ல் கிளீவேளாண்ட் என்ற இடத்தில் பொம்மை துப்பாக்கி வைத்து விளையாடிக் கொண்டிருந்த 14 வயது கறுப்பின சிறுவன் ட்டமிட் ரைஸ் என்ற சிறுவன் போலீஸாரால் சுட்டுக் கொல்லப்பட்டான். ஜார்ஜியா மாகாணத்தில் பிப்ரவரி 23 ந்தேதியில் அஹமத் அர்பே என்ற கறுப்பின இளைஞரும்,  மே 13 ந்தேதி, கறுப்பின பெண் ப்ரகோன டயபே கொல்லப் பட்டது மற்றும்  அட்லாண்டா மாகாணத்தில் ரெசார்ட் புரூக் என்ற கறுப்பினத்தவர் தனது மகனின் பிறந்த நாள் அன்று 14 ந் தேதி கொல்லப் பட்டார். ஒரு தொடர் கதையாக  இருந்தது.
அமெரிக்காவில் ஐரோப்பிய காலனி ஆதிக்கம் 1492 ம் ஆண்டுகளிலிருந்து ஆரம்பமானது. அதற்கு முன்னர் அங்குள்ள அமரிக்கர்கள்(Native Americans or Indigenous Americans) 15000 ஆண்டுகளுக்கு முன்பு ஆசியாவிலிருந்து வந்தவர்கள் என்று கூறப்படுகிறது.  அவர்கள் 570 பழங்குடியினர் என்று கணக்கிடப்பட்டுள்ளது. அவர்களை செவ்விந்தியர் என்றும் கூறப்படுகிறது. ஐரோப்பிய காலனி ஆதிக்கத்திற்கு பின்பு அவர்கள் மலைப் பகுதிகளுக்கு விரட்டப் பட்டனர். தற்போது அங்குள்ள மக்கள் தொகையில் 63 சதவீதம் வெள்ளை இனத்தவரும், 13 சதவீதம் கறுப்பினத்தவரும், 17 சதவீதம் ஸ்பானிஷ் மொழி பேசும் மக்களாக உள்ளனர்.
அது சரி, அமெரிக்காவில் இருக்கும் கறுப்பினத்தவர் யார் என்று நீங்கள் கேட்கலாம். அவர்கள் ஐரோப்பியர் மேற்கு மற்றும்  மத்திய ஆப்பிரிக்கா நாடுகளில் தங்கள் காலனி ஆதிக்கத்தில் அடிமைப்படுத்தப் பட்ட நாடுகளிலிருந்து அமரிக்காவிற்கு பிணைக் கைதிகளாக கொண்டு வந்து அடிமைப் படுத்த மக்களாவர். அப்படி பிடித்து வரப்பட்ட கறுப்பின மக்களைக் கொண்டு அமெரிக்காவில், ரோடுகள், பாலங்கள் அணைக்கட்டுகள், விவசாய நிலங்கள், தோட்டத் தொழிலாளர்களாக ஈடுபடுத்தப் பட்டனர். எந்த கறுப்பின மக்களை இன்று வெறுக்கின்றார்களோ அவர்களால் தான் இன்று அமெரிக்கா வளம் மிக்க நாடாக திகழ்கின்றது என்றால் ஆச்சரியமில்லை எனலாம். சுமார் 1.07 கோடி ஆப்பிரிக்கர்கள் அமெரிக்காவிற்கு கொண்டு வரப் பட்டனர். அவர்கள் விடுதலைக்கு 1.1.1863 ல் வித்திட்டவர் ஜனாதிபதி ஆப்ரஹாம் லிங்கன் என்று சொல்லலாம். அதன் பின்பு அவர்களுக்கு Civil Rights Act, 1866ல் கறுப்பர்களுக்கு முழு பிரஜை உரிமையும், 1870 ல் அவர்களுக்கு ஓட்டு போடும் உரிமையும் வழங்கப் பட்டது.
ஆப்பிரிக்க-அமெரிக்கர்களுக்கு கொடுக்கப் பட்டாலும் அவர்களை வெள்ளை அமெரிக்கர்கள் தீண்டத்தகாதவர்போலத்தான் நடத்தினர். ஏனென்றால் அவர்கள் பெரும்பாலும் கல்வி அறிவில்லாதவர்களாகவும், கடைநிலை ஊழியர் வேலைகளை செய்து கொணடும், குற்ற செயல்களில் ஈடுபட்டும் இருந்தனர். ஆகவே அமரிக்க காவல் துறையினர் கறுப்பின மக்களை பிரித்து நிறவெறி சட்டம் இருப்பதுபோல நடத்த ஆரம்பித்ததின் விளைவு தான் இன்று காணும் ஆர்பாட்டமாகும். அதேபோன்று தான் ஆஸ்திராலியாவில் பழங்குடியினரை வெள்ளை நிறத்தினவரினில் இருந்தும் மாறுபட்டு நடத்த ஆரம்பித்தனர். ஆகவே தான் அங்கும் ஆர்ப்பாட்டம் ஆரம்பித்தது எனலாம்.
ஆபிரிக்க-அமெரிக்கா மக்களின் உரிமைகளுக்காக போராடிய நோபல் பரிசு வென்ற மார்ட்டின் லூதர் கிங் 1968 ல் நிற வெறியர்களால் கொல்லப் பட்டார். அதேபோன்றே கறுப்பின மக்களின் உரிமைக்குப் போராடி ஜெஸ்ஸி ஜாக்சன்  ஜனாதிபதியாக 1983-1984லிலும் 1987-1988 லிலும் முயன்று தோல்வியுற்றார். ஆனால் பாரக் ஒபாமா தனது முயற்சியால் 2008 ம் ஆண்டு ஜனாதிபதியாகி இராண்டாம் முறையும் வெற்றி கொண்டது ஆச்சரியத்திலும் ஆச்சரியமே!
எப்படி இந்தியாவில் தாழ்த்தப் பட்டவர்களுக்கு சம உரிமை கிடைக்கவில்லை என்று அரசியல் சட்ட அமைய காரணமான டாக்டர் அம்பேத்கார்  பௌத்த மதத்திற்கு மாறினாரோ அதேபோன்று கறுப்பின மக்களும் உரிமை கிடைக்கவில்லை என்று கருதி இஸ்லாத்தில் தான் அனைத்து மக்களுக்கும் இன வேறுபாடு இல்லாமல் கிடைக்கின்றது என்று முதன் முதலில், 'Nation of Islam' என்ற அமைப்பினை யாகூப் என்பர் ஆரம்பித்து, வாளாஸ் பார்ட் முகமது ஒருங்கிணைத்து, எலிஜா முஹமது விரிவு படுத்தி கறுப்பின மக்கள் இஸ்லாத்தின் பால் திரும்ப வழி வகை செய்தார்.
அமேரிக்காவில் முதன் முதலில் 1838 ம் ஆண்டு பாஸ்டன் நகரில் காவல் துறை ஆரம்பிக்கப் பட்டது, அதன் பிறகு 1845ல் நியூயார்க் நகரில் ஆரம்பித்து பல மாநிலத்திலும் அமைக்கப் பட்டது. போலீசின் அத்து மீறல்களை சட்டத்திற்குள் கொண்டு வர அமெரிக்க மக்கள் சபை 42 சட்டம், 14141 விதிகளின் படி ஜஸ்டிஸ் துறை அவர்கள் மீது வழக்குப் பதிய உரிமை கொடுத்தது.
அமெரிக்காவில் மக்கள் போராட்டம் எந்தளவிற்கு போய்விட்டடது என்றால், மேரிலாண்டில் உள்ள பால்டிமோர் நகரில் உள்ள அமெரிக்காவின் முதல் ஜனாதிபதி ஜெனெரல் ஜார்ஜ் வாஷிங்டன் சிலையில் சாயம் பூசுவதும், வாசிங்டனிலுள்ள வெள்ளை மாளிகை வளாகத்தில் புகும் அளவிற்கு வந்து விட்டதும் மக்கள் எழுச்சியினை இன வேறுபாடு இல்லா அமெரிக்கர்களின் கோபத்தினை காட்டுகின்றது. இங்கிலாந்து நாட்டிலும், இரண்டாம் உலகப் போர் நாயகன் வின்ஸ்டன் சர்ச்சில் சிலையையும் கலங்கப் படுத்தி விட்டனர். காரணம் அவர்தான்  உலகப் போருக்குப் பின்பு கறுப்பின மக்களை அடிமைகளாக உலகமெங்கும் பரவ காரணம் என்று.
ஆர்ப்பாட்டங்கள் பலனாக பல மாகாணங்கள் போலீஸ் சீர்திருத்த நடவடிக்கைகளை எடுத்தன.
முதன் முதலில் டல்லாஸ் மாகாணம் கீழ்கண்ட நடவடிக்கைகள் எடுத்தன:
1) துப்பாக்கி சூடு நடத்துவதற்கு முன்பு எச்சரிக்கை விடுவது
2) மாதாந்திர வழக்குகள் விபரம்
3) உடையில் பொருத்தப் பட்டிருக்கும் கேமராவில் பதிவான தகவல் வெளியிடுதல்,
4) காவலரின் நடவடிக்கைகளை மாநில காவல் துறையில் உள்ள மேலாளர் பரிசீலனை செய்வது.
5) காவலரின் அத்து மீறலுக்கு எந்த விதத்தில் அவர்களை நடவடிக்கையிலிருந்து விதிவிலக்கு அளிக்கலாம்.
அமெரிக்கரில் சுப்ரீமாசிஸ்ட் என்ற வெள்ளை இன மக்களிடையே ஒரு குழுவினர் உள்ளனர். அவர்கள் தாங்கள் தான் இனத்தில் முதன்மையானவர்கள் என்ற தவறான எண்ணம் உள்ளது. அந்த எண்ணத்தில் உள்ள சிலர் காவல் துறையில் சேர்ந்திருப்பதால் கறுப்பினத்தவரை கீழ்த்தனமாக நடத்தும் சம்பவங்கள் நடந்து கொண்டுள்ளன. ஆனால் பெரும்பாலான அமெரிக்கர்கள் அதனை ஆதரிக்கவில்லை. அப்படி ஆதரிக்காததினால் தான் பாரக் ஒபாமா இரண்டு தடவை ஜனாதிபதியானார் என்பது உங்களுக்குத் தெரியும்.
அந்த பெரும்பாலான அமெரிக்கர் எந்தவிதமான போலீஸ் சீர்திருத்தங்களை விரும்புகின்றார்கள் என்பதினை கீழே காணலாம்:
1) குற்றவியல் நிபுணர் டேவிட் கென்னெடி, 'பொதுவாக போலீசுக்கும், கறுப்பின மக்களுக்கும் ஒரு விதமான நம்பிக்கையின்மை நிலவுகிறது. அவர்களிடையே நம்பிக்கையூட்டும் செயலில் காவல் துறையினர் ஈடுபடவேண்டும். காவல் துறையினர் இன்னும் கறுப்பினத்தினவரை அடிமைகள் போல நடத்துவதினை விட்டு விட வேண்டும்.'
2) போலீஸ் பயிற்சியில் கறுப்பின மக்களை மனிதர்களாகவும், சமஉரிமை உள்ளவர்களாகவும் மதிக்க வேண்டும் என்று போதிக்க வேண்டும். படவேண்டும்.
3) போலீஸ் தங்களுடைய பலபிரவேசம் வன்முறை குறையாத போதுதான் உபயோகிக்கவேண்டும் என்று பயிற்சி கொடுக்கப் படவேண்டும்.
4) காவல் துறையினர் பலபிரவேசம் செய்யும் போது வெளிப்பட தன்மை வேண்டும்.
5) காவல் துறையினர் சமுதாயத்தில் அமைதியை சீர் குழைக்கும் சம்பவங்களிலும், குற்றங்கள் தடுப்பதிலும்  கவனம் செலுத்த வேண்டும்.
6) காவலருக்கு போதிய ஓய்வு, கூடுதல் சம்பளம் வழங்க வேண்டும்.
7) காவலர் செயலுக்கு பொறுப்பு ஏற்கச் செய்யும் முறை வேண்டும்.
8) காவல் துறையினர் செயல் மற்றும் அவர்கள் குற்றங்கள் தடுப்பதும், கண்டு பிடிப்பதிலும் எவ்வாறு திறமையுடன் செயல் படுகின்றனர் என்று ஆராய படவேண்டும்.
9) காவல் துறைக்கு சேரும் ஒவ்வொருவரும் ஒரு பட்டதாரியாக இருக்கவேண்டும்.
10) போலீஸ் பயிற்சியின் போது மின்னாபோலிஸில் ஜார்ஜ் பிளாய்டு கழுத்து நெரித்து சாகடித்த, 'choke hold' என்ற பயிற்சியினை கைவிடுவது.
இந்திய காவல் துறை ஆங்கிலேய வழி முறைகளை பின்பற்றி கொள்கையினை வகுக்கப் பட்டுள்ளது எனலாம். ஆங்கிலேய உள்துறை அமைச்சராக இருந்த சர் ராபர்ட் பீல் என்பவர் காவல் துறையினர் எவ்வாறு செயல் படவேண்டும் என்று 1822 ல் வகுத்துள்ளார். அவைகளையே கனடா, நியூசிலாந்து, ஆஸ்திரேலியா நாடுகளில் கடைப் பிடித்து வருகின்றன. அதில் காவல் துறையினர் சீருடையில் இருக்கின்ற இந்த நாட்டின் பிரஜைகள். அவர்களின் செயல் பாடுகள் வெளிப்படையாகவும், சட்டத்திற்கு  உட்பட்டும், அவர்கள் பொறுப்பினை ஏற்ககூடியாதாகவும் இருக்க வேண்டும் என்று ஒன்பது கொள்கையினை வகுத்தார்.
அவை பின் வருமாறு:
1)    காவல் துறையினர் குற்றங்களை தடுப்பதும், அமைதிக்கு பங்கம் விளைவிக்காது பார்த்துக் கொள்ளவும் செய்ய வேண்டும்.
2)     காவல் துறையினர் செயலை மக்கள் அங்கீகரிக்க வேண்டும்.
3)     சட்டத்தினை அமல் நடத்துவதினை மக்கள் ஏற்றுக் கொள்ளக்கூடியதாக இருக்க வேண்டும்
4)     போலீஸ் பணியாற்றும் போது  குறைந்த பலப்பிரவேசம் செய்ய வேண்டும்.
5)     இன, மொழி, மத பாகுபாடு இல்லாது செயலாற்ற வேண்டும்.
6)     பலபிரவேசம் எச்சரிக்கைகள் தோல்வி அடையும் போது உபயோகிக்க வேண்டும்
7)     காவல் துறையினருக்கு மக்களின் வரிப்பணத்திலிருந்து சம்பளமும், வசதியும் செய்து தரப் படுகின்றது என்று எடுத்திறுரைக்க வேண்டும்
8)     காவலர் நீதிமன்ற அதிகாரங்களை கையில் எடுக்காது நீதியுடன் நடந்து கொள்ள வேண்டும்.
9)     போலீசின் செயல் பாடுகளை ஆய்வு நடத்தும் போது  அவர்கள் எவ்வாறு குற்றங்களை தடுத்தார்கள், மக்களிடையே அமைதியின்மையினை தடுத்து அமைதி ஏற்படுத்தினார்கள் என்று ஆராய வேண்டும்.
இந்தியாவில் போலீஸ் ஆங்கிலேயர் வகுத்துத் தந்த 'Police Act 1861' படி நடைமுறைப் படுத்தப் படுகிறது. ஒவ்வொரு மாநிலமும் காவல் துறையினர் செயல் பட போலீஸ் மேனுவல் உள்ளது. National Police Commission 1977 ல் அமைக்கப் பட்டு அதன் பரிந்துரைகளை 1979, 1981 ஆண்டுகளில் 8 அறிக்கையாக வழங்கப் பட்டது.  இந்த நேரத்தில் தான் இந்தியாவெங்கும் காவலர் வேலை நிறுத்தம் 1979 ம் ஆண்டு ஆரம்பித்தது. முக்கியமாக காவலருக்கு .தொழிற்சங்கம் வேண்டும் என்றும் கோரிக்கை எழுந்தது. அவர்களுடைய கோரிக்கைகளை கமிஷனும் பரிசீலனை செய்து அறிக்கை சமர்ப்பித்தது.  அவர்கள் கொடுத்த அறிக்கைகள் போலீஸ் அமைப்பு,  அதன் செயல், பொறுப்பேற்றுதல், மக்களுடன் அவர்கள் தொடர்பு, காவல் துறையில் அரசியல் தலையீடு, குறைந்த பலபிரவேசம், காவலர் தவறான செயல் பாடு, அவர்களின் செயல்பாட்டுக்கு தகுந்த அரையாண்டு மற்றும்  ஆண்டு அறிக்கை ஆகியவை அடங்கும். இது தவிர முன்னாள் இந்திய Attorney General சோலி சோராபிஜி தலைமையில்   2005 ல் ஒரு குழு அமைக்கப் பட்டு Model Police Act 2006 அமலுக்கு வந்தது.
      இந்தியாவில் காவல் துறையினருக்கு .303 ரைபிள் கொடுக்கப் பட்டடது. அது மனித உடம்பை துளைத்துக் கொண்டு வெளியேறும். அதன் பின்னர் காவலர் குறைந்த பால்பிரவேசம் செய்வதிற்காக .410 என்ற மஸ்கட் கொடுக்கப் பட்டுள்ளது. தூத்துக்குடி நகரில் ஸ்டெரிலைட் ஆலை மூடும் போராட்டத்தில் சுட்ட SLR(self loading gun) ஆயுதப் பிரிவினருக்குக் கொடுக்கப் பட்டுள்ளது. சட்டம் ஒழுங்கு காவலருக்கு அல்லது போக்குவரத்து காவலருக்கு இல்லை. இந்திய சட்டத்தில் ஒரு குற்றவாளி காவலர் கைது நடவடிக்கைக்கு ஒத்துழைத்தால் பலபிரவேசம் செய்யக் கூடாது. சாத்தான்குளம் காவல் நிலையத்தில் 19.6.2020 அன்று ஜெயராஜ் என்ற வியாபாரியும், அவருடைய பென்னிக்ஸ் என்ற மகனும் துன்புறுத்தப் பட்டு  அதன் பின்பு ஒருவர் பின் ஒருவர் இறந்தது போன்ற செயல்களை விசாரிக்க Executive Magistrate விசாரித்து, அவர்களுடைய மரணம் இயற்கையானதா அல்லது செயற்கையானதா என்று ஆய்வு நடத்தி பிரேத பரிசோதனை மூன்று மருத்துவர் மூலம் செய்யப் பட்டு அதனை விடியோவும் எடுக்கப் படும். அந்த Excutive Magistrate அவர்கள் மரணம் செயற்கையானது என்றாலே அவர் பரிந்துரைமேல் கொலை வழக்காக மாற்றப் படும். அதுபோன்ற பல வழக்குகளில் காவல் துறையினர் ஆயுள் தண்டனை கூட அடைந்துள்ளனர் தமிழ்நாட்டில். ஆனால் அமெரிக்காவில் அந்த நடைமுறை இன்னும் அமல் படுத்தவில்லை. அதேபோன்று மக்கள் போராடும் போது வன்முறை ஏற்பட்டால் இந்தியாவில் முதலில் எச்சரிக்கை ஒலி பெருக்கியில் செய்யப் படும், அதற்கு பிறகும் வன்முறை ஏற்பட்டால் கண்ணீர் புகை குண்டுகள் வீசப்படும், அதற்குப் பிறகும் வன்முறை நடந்தால் லத்தி கொண்டு அடக்கப் படும். அதன் பிறகும் நிற்கவில்லை காவலர் உயிருக்கும், பொது சொத்து சேதப் படுத்துதல் போல ஈடுபட்டால் குறைந்தளவு துப்பாக்கி பிரயோகம் செய்யப் படும் அதுவும், இடுப்பிற்கு கீழே தான் சுட வேண்டும். காரணம் காவலர் பயிற்சியிலேயே குறைந்த பலபிரவேசம், அதிக பலன் என்று தான் இந்தியாவில் போதிக்கப் படுகிறது.
ஆனால் அமெரிக்காவில் துப்பாக்கிகள் வைத்துக் கொள்ள மக்களுக்கு கட்டுப் பாடு கிடையாது. ஆகவே தான் அங்குள்ள காவல் துறையினர் ஒவ்வொரு சந்தேகிக்கும் நபரையும் துப்பாக்கியுடன் உள்ளவர் என்று சுட்டு விடுகின்றனர். அது சட்டம், ஒழுங்கு சம்பந்தமாக இருந்தாலும் சரி, போக்குவரத்து விதி மீறலானாலும் சரியே. நமதூரில் ஒரு பழமொழி சொல்வார்கள், 'அரண்டவன் கண்ணுக்கு இருண்டதெல்லாம் பேய்' என்று அதேபோன்ற கதை தான் அமேரிக்காவில் நடந்த கறுப்பின துப்பாக்கி சூடுகள். அது மட்டுமல்லாமல் ஆப்பிரிக்க-அமெரிக்கர் என்றாலோ குற்றம் செய்பவர்கள் என்ற காமாலை கண்  உள்ளவர்களாக காவல் துறையினர் உள்ளார்கள் என்பது வேதனையிலும் வேதனையே. ஒரு இனத்தின் வண்ணத்தினை வைத்து அவனை எடைபோடுவதினை விட்டு விட்டு    அவன் ஒரு தன்னைப்போன்ற மனிதன் அதுவும் இந்த நாட்டின் குடிமகன், அவன் கொடுக்கும் வரிப் பணத்தில் தான் தனக்கு சம்பளமும் மற்ற வசதிகளும் செய்து கொடுக்கப் படுகின்றது என்ற எண்ணத்தினை காவலரிடையே புகுத்த பயிற்சியிலேயே சொல்லிக் கொடுக்கவேண்டும். அத்துடன் மனநல ஆலோசகர்கள் ஒவ்வொரு பகுதியிலும் நியமனம் செய்து காவலர் மனம் பண் பட முயற்சி எடுத்தால் அமெரிக்காவில் சமீப காலங்களில் நடந்த இனவெறி சம்பவங்களும், அத்து மீறல்களும் நடக்காது என்பது திண்ணமே!






Wednesday, 3 June, 2020

செல்வத்துள் செல்வம் செவிச்செல்வம்!



(டாக்டர் ஏ.பீ.முகமது அலி, பிஎச்.டி, ஐ.பீ.எஸ்)
மனிதன் பண்போடு வாழ கல்வியும், கேள்வியும் அவசியம். கேள்வி என்றால் என்ன என்று நீங்கள் கேட்கலாம், பெற்றோர், பெரியோர், ஆசான்கள், நண்பர் மற்றும்  அறிவு சான்றோர் கூறும் அறிவுரையாகும். அவ்வாறு அறிவுரை சொன்னால் அவர்  எல்லாம் தெரிந்தவரில்லை என்று  எடுத்துக் கொள்ளக் கூடாது. மாறாக அறிவுரை சொல்பவர் செய்த தவறினால் படிப்பினை பெற்று அந்த தவறை நீங்கள் செய்யக்கூடாது என்று சொல்வதாக எடுத்துக் கொள்ளவேண்டும். எவ்வாறு கட்டாந்தரையான தரிசுநிலத்தினை உழுது பயிரிட்டு வளம் செழிக்கும் பூமியாக மாற்றுகின்றோமோ அதேபோன்று தான் ஒருவரை நல் வழிப் படுத்தும் அறிவுரையாகும்.
1)    பரீட்சை நேரத்தில் சில மாணவர்கள் இரவு முழுவதும் கண்விழித்துப் படிப்பர். ஆனால் பரீட்சை நெருங்கும் போது அவர்களுக்கு பயத்தில் உடல் நிலை சரியாக இருக்காது. அப்படிப் பயப்படுபவர்களை வீட்டிலிருக்கும் பெற்றோர், பெரியோர், வயதில் மூத்தோர் அவர்களிடம் பக்குவமாக நீ நன்றாக படித்துள்ளாய், நீ படிப்பது தான் பரிட்சையில் வரும், உனக்கு தெரிந்ததினை எழுது, தெரியாததினைப் பற்றிக் கவலைப் படாதேயென்று தைரியமூட்டினால் நிச்சயமாக மாணவர்கள் தேர்வில் வெற்றி வாகை சூட்டுவர்.
2)    ஒவ்வொரு மனிதனுக்குள்ளும் ஒரு தனி திறமை ஒளிந்திருக்கும். அதனை பெரியோர் தான் அவர்களுக்கு எடுத்துச் சொல்லவேண்டும். உதாரணத்திற்கு மயிலின் குரல் எரிச்சலூட்டக் கூடியதாக இருக்கும். ஆனால் அது தனது வண்ணமிகு தோகையினை விரித்து ஆடினால் மயங்காதவர் மனிதராக இருக்க முடியாது. அதேபோன்று தான் ஒரு மனிதன் ஒரு செயலில் சோடையாக இருந்தால் அவன் எந்தத் துறையில் திறமை வாய்ந்தவன் என்று அறிந்து அவனிடம் எடுத்துச் சொல்லி ஊக்கம் கொடுக்க வேண்டும்.
3)    சிலருக்கு தான் செய்யும் தவறு தெரியாது. அதனை பிறர் சுட்டிக் காட்டினால் ஒத்துக் கொள்ள மாட்டார்கள். உதாரணத்திற்கு ஒரு கல்லூரி மாணவனுக்கு ஆங்கிலப் பாடம் மிகவும் பிடிக்கும். அப்படிப் பட்ட மாணவன் ஆங்கிலப் பரீட்சையில் குறைந்து மதிப்பெண் பெற்றிருந்தான். வீட்டில் வந்து வினாத்தாளை திருத்தியவர்களை திட்டிக் கொண்டிருந்தான். அவனுடைய அப்பா, சரி, உன்னுடைய விடைத் தாளை வாங்கிப் பார்ப்போம் என்று அதனை வங்கியும் பார்த்து பின்பு மகனிடம் சொன்னார், ஆசிரியர் சரியாகத் தான் உன்னுடைய விடைத்தாளை திருத்தியுள்ளார் என்று தந்தை சொன்னது தான் தாமதம், அந்த மகன் தந்தைமேல் கோபப் பட்டு அறைக்கதவினை சாத்திக்கொண்டான். சிறிது நேரம் சென்று அப்பா அறைக்கதவினை தட்டி,'மகனிடம் சொன்னார், 'நீ உன்னுடைய தவறினை ஒப்புக் கொண்டு இனிமேல் அந்தத்தவறினை செய்யமாட்டேன் என்று நினைக்கவேண்டும். அவ்வாறு இல்லாமல் தான் செய்தது சரிதான் மற்றவர் செய்தது சரியில்லை என்று நினைத்தால் வாழ்க்கையில் முன்னேற முடியாது' என்று சொன்னார். அன்று தந்தை சொன்ன அறிவுரை தன்னுடைய கல்லூரி வாழ்விலும், நிஜ வாழ்விலும் வழுக்கி விழவேயில்லையாம்.
4)    ரஸ்கின் பாண்ட் என்ற ஆங்கில எழுத்தாளர், 'உலகில் உள்ள பல குழப்பங்களை எண்ணிக் கொண்டே போனால் அது குப்பை மேடுபோல காட்சி தந்து வாழ்க்கையில் வெற்றியடைய தடைக் கல்லாக மாறிவிடும். அப்படி உங்கள் பாதையில் வரும் குழப்பங்களை நீர்குமிழிபோல எண்ணி மறந்து வீறு நடைபோட வேண்டும்' என்று கூறியுள்ளார்.
5)    ஒரு வாலிபன் தன் பெற்றோர், முன்னோர் சேர்த்து வைத்த செ ல்வத்தினை வைத்துக் கொண்டு பெருமை படக்கூடாது. மாறாக அந்த செல்வத்தினை கட்டி காப்பாத்தியும், அதனை பயனுள்ள வழியில் செலவு செய்து மட்டும் போதாது, தானும் உடல் வருத்தி உழைத்தால் தான் உயர்வு பெறமுடியும்.


6)    ஒரு வியாபாரிக்கு தனது வியாபாரத்தில் லாபமும் இருக்கும், நஷ்டமும் இருக்கும். லாபாக் கணக்கில் சந்தோசப் பட்டுவிட்டு, தொழில் நலிவடையும்போது இரண்டு கால் முட்டிக்குமிடையே தலையினை கவிழ்த்துக் கொண்டு இருக்காமல், அந்த தொழிலினை தூக்கி நிறுத்த என்னென்ன வழிகள் என்று ஆய்வு செய்ய வேண்டும். வானத்தில் கும்மிருட்டில் நட்சத்திரங்கள் பிரகாசமாகி மின்னும். ஆகவே நாம் இருட்டான வானத்தினைப் பார்த்து பாடம் படிக்காமல், மின்னும் நட்சத்திரங்களை பார்த்து பாடம் படிக்க வேண்டும்.
7)    இந்திய கிரிக்கட்டில் சிறந்த கேப்டனாக கருதும் விராட் கோலி சிறு வயதில் டெல்லி கிரிக்கட் அகடாமியில் சேர அவருடைய தந்தை பலரை பார்த்திருக்கின்றார். ஆனால் அவர்கள் எல்லாம் அவருடைய உருவத்தினைப் பார்த்து சந்தர்ப்பம் அளிக்கவில்லையாம். அப்போது அவருடைய அப்பா சொன்னாராம் நீ மற்றவர்கள் விளையாடுவதைப் பார்த்து பயிற்சி எடு பிற்காலத்தில் சிறந்த கிரிக்கெட் வீரராகலாம் என்றாராம். அப்பா செய்த முயற்சி கண்டு பெருமைப் பட்ட விராட் கோலி நாம் ஊர் மெச்ச விளையாடவேண்டும் என்று முடிவெடுத்தாராம். இன்று அவரை உலகமே பாராட்டுகிறது.
8)    ஒரு சிலர் தனது தொழிலில் முன்னேற முடியவில்லையென்று குடும்பப் பொறுப்பினை விட்டுவிட்டு சந்நியாசம் போகிறேன் என்று ஒவ்வொரு வணக்கஸ்தலத்திற்கும் போய் காலம் கழிப்பர்  அப்படிப் பட்டவர்களுக்கு, 'ஆங்கிலேய பதினெட்டாம் நூற்றாண்டு கவிஞர் லார்ட் பைரோன், 'read the bible and mind your purse' ( அதாவது நீங்கள் மத புத்தகங்கள் படியுங்கள், ஆனால் உங்கள் பையில் காசும் இருக்கின்றதா என்று பார்த்துக் கொள்ளுங்கள்) என்ற அருமையான அறிவுரை வழங்கியுள்ளார்.
9)    தானம் செய்வதால் உங்களது செல்வம் குறைந்து விடுவதில்லை. அதேபோன்று பிறருக்கு உதவி செய்து விட்டு அதனை தண்டோரா போட்டுச் சொல்லும் பழக்கம் கூடாது. அதற்கான பிரதிபலனையும் எதிர்பார்க்கக் கூடாது.
10) உங்கள் முகம் எப்போதும் சிரித்த முகத்துடன் இருப்பதைத்தான் எல்லோரும் எதிர்பார்ப்பார்கள். Harry Potter என்ற ஆங்கில நாவலை எழுதிய ஜே.கே.ரவ்லிங், 'வாழ்க்கையில் வழுக்கி விழாதவர் எவருமிலர். ஆனால் தோல்வியின் படிப்பினை தெரிந்துகொண்டால் நீங்கள் முன்பைவிட வலிமையானவர் ஆவீர்' என்று கூறியுள்ளார்.
11)  ஆங்கிலேய எழுத்தாளரும், நன்கொடையாளரும், 400 நிறுவனங்கள் நடத்தும் தொழிலதிபருமான ரிச்சர்ட் ப்ரண்ட்ஸன் தாயார் அவருக்கு ஆரம்பத்தில் சொன்ன அறிவுரை என்னெவென்றால், 'நீ ஒரு தொழிலில் நஷ்டம் அடைந்தால் அதனை பற்றி கவலைப் படாது, உன்னுடைய முயற்சியில் மறு தொழில் தொடங்குவதில் ஈடுபட வேண்டும்' என்று சொல்வாராம். அவர் சொன்ன அந்த அறிவுரையினை வேத வாக்காக எண்ணி இன்று  400 தொழில்களுக்கு அதிபராக இருப்பதுடன், அந்த தொழிலில் கிடைக்கும் லாபத்தில் சிறந்த நன்கொடையாளர் என்றும் போற்றப் படுகிறாராம்.
12)  அமெரிக்காவில் கறுப்பின கூடைப் பந்து தலை சிறந்த வீரராக கருதப் படும் மைகேல் ஜோர்டன் தற்போது பதினைந்தாயிரம் கோடி செல்வந்த தொழிலதிபராக விளங்குகிறார். அவர் எப்படி தன்னுடைய விளையாட்டில் கொடிகட்டி பறந்தார் என்பதினை வாழ்க்கையில் உள்ள படிப்பினையாக கூறும்போது, 'தன்னுடைய கூடைப் பந்து விளையாட்டில் கிட்டத்தட்ட 9000 இலக்குகளை தவறவிட்டு 300 விளையாட்டுப் போட்டிகளில் தோல்வி யடைந்து உள்ளேன். ஆனால் அதனைப் பற்றி வீணான கவலை கொள்ளாது தொடர்ந்து விளையாடியதால் பிற்காலத்தில் புகழுடன் விளங்க முடிந்தது' என்று கூறியிருப்பது ஒரு உலக கூடைப் பந்து ஜாம்பவானும் பல தோல்வியை தழுவிதான் வெற்றிவாகை சூடியுள்ளான் என்று எடுத்துக் கொண்டு திருவள்ளுவர் சொன்னதுபோல, செல்வத்துள் செல்வம் செவிச் செல்வம்-அச்செல்வம்
செல்வத்துளெல்லாம் தலை' யாக கருதி நல்ல அறிவுரைகளை புன்முறுவலுடன் ஏற்று நடந்தால் வாழ்க்கையில் வெற்றி பெறலாம் என்று கூறலாமா!

Wednesday, 1 April, 2020

உலகை அலற வைத்த நோய்களின் கோர தாண்டவம்!



(டாக்டர் ஏ.பீ. முகமது அலி, பிஎச்.டி., ஐ.பீ.எஸ்(ஓ )
கடந்த இரண்டு மாதங்களாக உலகையே பதற வைக்கும்  நோயாக கொரானா இருக்கின்றது. உலக நாடுகளுக்கிடையே ஏற்படக் கூடிய சண்டைகளில் பயோ-கெமிக்கல் ஆயுதம் மிகவும் ஆபத்தான மனித கொல்லி ஆயுதமாக கூறப் படுகிறது.  சதாம் ஹுசைன் ஈராக்கில் அதுபோன்ற ஆயுதம் வைத்திருப்பதாக பொய்யான கட்டுக் கதை விட்டு ஈராக்கினையே சீரழித்த பெருமை கூட்டுப் படையின் கதாநாயகன் அமெரிக்க நாட்டின் முன்னாள் அதிபர் ஜார்ஜ் புஸ்ஸை ,சேருமென்றால் அது மிகையாகாது. அதுபோன்ற ஆயுதத்தினை சீனா ரகசியமாக ஊஹான் நகரில் ஹுவாய் மாநிலத்தில் தயாரிப்பதாக ‘டீன் கூண்ட்ஸ்’ என்ற அமெரிக்கா எழுத்தாளர், 1981 ம் ஆண்டு வெளிவந்த, 'தி ஐஎஸ் ஆப் டார்க்னெஸ்'(the eyes of darkness) என்ற புத்தகத்தில் எழுதியுள்ளார். அதில் '2020 ம் ஆண்டு உலகினை நிமோனியா என்ற நுரையீரலை பாதித்து மூசசு விட முடியாத அளவிற்கு கொடிய நோய் ஆட்டிப் படைக்கும்' என்றும் கூறியுள்ளார். அதனை வெளி உலகிற்கு சொன்ன சீன ஆராய்ச்சியாளர் முனைவர் ‘லீ வேனிலியாங்’ வீட்டு சிறையில் வைக்கப் பட்டு உயிர் இழந்தது செய்தியாக வந்துள்ளது பலருக்கு தெரிந்திருக்கும்.
இதனை உறுதிப் படுத்தும் விதமாக மிகவும் நவீன தொழில் நகரமான ஊஹானில்  மட்டும் இந்த நோய் பரவியதும், மற்ற நகரங்களான பீஜிங், சங்கை போன்ற மாநிலங்களை பாதிக்கவில்லை என்றும் சீனாவின் நட்பு நாடுகளான ரஸ்யா, வட கொரியா நாடுகளையும் பாதிக்கவில்லை என்றும்  பார்க்கும் போது அதுபோன்ற ஒரு முயற்சி இருந்திருக்குமோ என்றும் எண்ணத் தோன்றுகிறதல்லவா? எப்போது அமெரிக்க அதிபர் சீனாவின் ஏற்றுமதி பொருள்களுக்கு அதிகமான வரிகள் விதித்தாரோ, எப்போது மற்ற நாடுகள் சீனாவில் தொழில் தொடங்க அனுமதிக்க வேண்டும் என்று நிர்பந்தித்தாரோ, எப்போது ஜப்பானுக்கு ஆதரவாக தெற்கு சீனா கடல் பகுதியில் அமெரிக்கா கடற்படை ரோந்து அனுப்பியதோ  அப்போதே அமெரிக்க-சீன மறைமுக யுத்தம்(cold war) ஆரம்பித்துவிட்டது என்றே கூறலாம். இதில் அதிசயம் என்னவென்றால் கொரானாவால் மிகவும் பாதிக்கப் பட்டவர்கள் அமெரிக்காவின் கூட்டு நாடுகளான இத்தாலி, ஸ்பெயின், ஜெர்மனி  போன்றவைகளாகும். இந்தக் கூற்றை  நிரூபிக்கும் விதமாக அமெரிக்க அதிபர் கொரானா நோயினை 'சீன வைரஸ்' என்று குற்றம் சுமத்துவதும், பதிலுக்கு சீனா அமெரிக்க உளவுத்துறை அதிகாரி ஒருவர் மூலம் தான் இந்த நோய் சீனாவிற்குள் நுழைந்து விட்டது என்று கூறுவதும் அனைவரும் பத்திரிக்கை வாயிலாக தெரிந்திருப்பீர்கள். ஆனால் யாரோ கொளுத்தி போட்ட நோய் இன்று உலகில் பலநாடுகளிலும் தீயாக கொழுந்து விட்டு எரிகின்றது என்றால் மிகையாகாது.
அது சரி, இதற்கு முன்பு இதுபோன்ற நோய்கள் உலகை தாக்கவில்லையா என்று நீங்கள் கேட்கலாம். ஆம், சில நோய்கள் தாக்கியுள்ளன. அவைகள் பின் வருமாறு:
1)                  முன்பு இளம் பிள்ளை வாதம் உலகில் ஏற்பட்டு சிறு குழந்தைகள் கை, கால்கள் முடக்கப் பட்டு அவதிப் படுவதினை கண்டு இருப்பீர்கள். அதனை போலியோ நோய் என்று கூறுவார்கள். அதற்கு மருந்து கண்டு பிடிக்க green monkeys என்று அழைக்கப் படும் ஆப்பிரிக்க குரங்குகளை பிடித்து அதற்கான மருந்து ஆராய்ச்சியாளர்கள் கண்டு பிடித்தனர். அந்த வகை குரங்குகளினாலும், பழந்திண்ணி வவ்வாலாலும், அவைகளின் எச்சிகளாலும், கழிவுகளாலும், மனித உடலில் படும்போது மனிதர்களுக்கு காய்ச்சல், தலைவலி, உடம்பு வலி, வாந்தி, வயிற்று வலி, நெஞ்சடைப்பு ஏற்பட்டு பலர் மரணம் அடைந்துள்ளனர். அந்த வகை நோய்கள்  'marburg', 'ebola' என்றும் அழைக்கப் பட்டது. மார்புர்க் நோயால் மரணம் அடைந்தவர்கள் 31,000/ ஆகும், ebola வினால் மரணம் அடைந்தவர்கள் 11,380/ என்றும் கூறப் படுகிறது.
2)                  Hanta virus என்று அழைக்கப் படும் நோய் எலிகளின் கழிவுகள், எச்சில், சிறுநீர் ஆகியவற்றால் ப்ளூ போன்ற கடும் காய்ச்சல், சளி தொல்லை ஏற்பட்டு நுரையீரல் பாதிக்கப் பட்டு பலர் இறந்துள்ளனர். அமெரிக்கா கொரியா யுத்தத்தில் போரிட்ட அமெரிக்கா படையினர் 3000 பேர்கள் இறந்துள்ளனர். அதன் பிறகுதான் ரிபாவியன் என்ற மருந்து ஆராய்ச்சியில் கண்டு பிடித்து கட்டுக்குள் கொண்டு வரப்பட்டது.
3)                  Bird flu என்று அழைக்கப் படும் பறவைகளாலும், கோழி, சேவல் போன்றவற்றினாலும் ஏற்படுகின்ற நோயாகும். இந்த நோயும் கினி காய்ச்சல் என்றும் சொல்லுவார்கள்.
4)                  அர்ஜென்டினா நாட்டில் Junin வைரஸ் பரவி பலர் தீவிர காய்ச்சல், தோல் வெடிப்பு ஏற்பட்டு ரத்தக் கசிவினால் இருந்துள்ளார்கள்.
5)                  Larsa வைரஸ் எலிகளால் ஏற்படும் நோயாகும். இந்த நோயால் ஆப்பிரிக்க கண்டத்தில் பலர் இறந்துள்ளனர்.
6)                  Crimea-Congo வைரஸ் எட்டுக் கால் உன்னியால் நாய்களை கடித்து ரத்தம் உறிஞ்சும் நோயாகும். அவை மனிதர்களை பாதிக்கும் போது முகம், வாய் போன்றவற்றில் புண் வந்து குரல் வலையினை நெரிக்கும் அளவான நோயாகும்.
7)                  Machupo வைரஸ் பொலிவியா நாட்டில் ஏற்பட்டு பலருக்கு கடுமையான காய்ச்சல், ரத்தப் போக்கு உண்டாகி மரணம் ஏற்படுத்தும். அவை மனிதனுக்கு மனிதன் பரவக்கூடியது.
8)                  Kyasanur Forest வைரஸ்(KFD) என்ற நோய் 1955 ம் ஆண்டுகளில் தென் இந்திய கடற்கரை பகுதிகளில் எலி, பறவை,  பன்றி போன்றவைகளால் கடும் காய்ச்சல், பொறுக்க முடியாத தலைவலி, உடல் வலி ஏற்பட்டு ரத்தப் போக்கும் ஏற்படும்.
9)                  Dengu வைரஸ் காட்டுப் பகுதிகளில் உள்ள சுற்றுலா மையங்களில் கொசுக்கடியால் ஏற்பட்டு கிட்டத்தட்ட பத்துக் கோடி மக்கள் ஆசிய ஆப்பிரிக்க நாடுகளில் பாதிக்கப் பட்டனர்.
10)               Zika வைரஸும் மலேரியா, டெங்கு, போன்ற கொசுக்கடியால் ஏற்படும் நோய் தான்.
11)               SARS (Severe Acute Respiratory Syndrome): தாங்க முடியா மூச்சுத்தினரால் ஏற்படுகின்ற கொரானாவினை
ஒத்த நோயாகும். அது ஆசியாவில் 2003 ல் அமெரிக்கா மற்றும் ஐரோப்பாவில் பரவியது. அப்படி பரவியும் அதற்கான மருந்து கண்டு பிடிக்கவில்லை. இந்த நோயால் பாதிக்கப் பட்டோர் 8098 பேர்கள் ஆகும் அதில் 774 பேர்கள் உயிரிழந்துள்ளாரகள்.
இப்போது உலகளவில் பயமுறுத்துக் கொண்டிருக்கும் கொரானா வைரஸ் சீனாவின் ஊஹான் நகரத்தில் ஆரம்பித்து உலகின் பல இடங்களுக்குப் பரவி 8,53,367 பேர்களை பாதித்திருக்கின்றது. அதில் இன்று வரை 42,000 இறந்திருப்பதாகவும், மருத்துவ சிகிச்சைக்குப் பின்பு 1,58,783 பேர்கள் குணமடைந்துள்ளதாகவும் கூறப் படுகிறது. இதில் அதிகம் பாதிக்கப் பட்ட நாடுகளில் அமெரிக்கா, இத்தாலி, ஸ்பெயின் போன்றவையாகும். அது சரி, இதுபோன்ற ஒரு நோய் பற்றி யாருக்கும் தெரியாதா என்று நீங்கள் கேட்கலாம். ஏன், நமது பள்ளி 12 வது மாணவர்களுக்கு வழங்கப் பட்டுள்ள பயோலாஜி புத்தகத்தின் பக்கம் 166 ல் கூட கொரானா நோய் எப்படி இருக்கும், அதனால் எப்படி பாதிப்பு ஏற்படும் அந்த நோயின் தாக்கம் மூன்று வாரங்கள் இருக்கும் என்று விரிவாக கூறப் பட்டுள்ளது. ஏன் நாம் உபயோகிக்கும் கை கழுவும் டெட்டால் சானிட்டிசாரில் கூட குறிக்கப் பட்டுள்ளது சிலர் பார்க்காமல் இருந்திருக்கலாம். 1914 ம் ஆண்டு கைமுறை பாக்கெட் வைத்தியம் என்ற புத்தகத்தில்  துளசிங்க முதலியார் கொரானா மாத்திரை என்று மிளகு, லவங்கம், ஜாதிக்காய், ஓமம், திப்பிலி, கருஞ்சீரகம், கோரோசனை,மாந்தளிர், வேப்பன்கொழுந்து ஆகியவற்றை இடித்துப் பொடியாக்கி சாப்பிட்டால் கொரானா குணமாகும் என்று அச்சடித்த புத்தகம் வெளியிட்டுள்ளார் என்று பார்க்கும் போது கொரானா நோய் நமக்கு தெரியாதல்ல என்று கூறவேண்டியுள்ளது.
சீனாவின் ஊஹான் நகரில் மீன் மார்க்கெட்டில் இறால் மீன் வியாபாரம் செய்யும் வீ ஹூசைன் என்ற 53 பெண்ணுக்கு 2019 டிசம்பர் மாதத்தில் கொரானா நோய் வந்துள்ளது. அவர் கூறும்போது, தான் மார்க்கெட்டில் உள்ள கழிப்பிடத்தில் தான் உபயோகிப்பதாகவும், அதனால் நோய் வந்து விட்டது என்கிறார். பின்பு மருத்துவர்களிடம் காட்டி சுகம் அடைந்ததாக கூறுகிறார். அப்போதே உஷாராகி இருந்தால் சீனாவில் பரவியிருக்காது என்று சொல்லுகிறார். சிலர் சீனாவில் பெங்கோலின் என்ற எறும்பு திண்ணி மிருகம் மற்றும் பழந்திண்ணி வவ்வால்  மாமிசத்தினை சாப்பிட்டதால்  பரவியது என்று கதை விடுகிறார்கள்.  ஆனால் அறிவுப் பூர்வமாக பார்ப்போமேயானால் கொரானா நோய் கறி, மீன் சாப்பிடுவதால் ஏற்படுவதில்லை,  ஏனென்றால் இந்த நோய் SARS   சார்ஸ், H 1N 1, HIV போன்ற இனத்தினைச் சார்ந்ததாகும். ஊஹான் நகரம் மிகவும் நவ நாகரீகமான நகரமாகும். அங்கு மிகவும் நவீனமான மருத்துவ ஆராய்ச்சி  நிலையங்கள் உள்ளன. அது போன்ற நோய்களை நிச்சயமாக குணமாக்கி இருப்பார்கள். ஆனால் ஊஹான் நகரிலேயே பரவி பல உயிர்களை காவு கொண்டு மற்ற நாடுகளுக்கும் பரவியிருக்கின்றது என்றால், ஆராய்ச்சி செய்து அந்த நோயால் இறந்த ‘லீ’ என்ற டாக்டர் போன்றவர்கள் செயற்கையாக கொரானா கூறுகளை ஆராய்ந்து அதனை வருங்கால உயிர்கொல்லி யுத்தத்திற்கு பயன்பட வைத்திருக்கும் வைரஸ்கள் தவறாக பயன்படுத்தி அதன் தாக்கத்தினை காட்டிவிட்டது என்றே சொல்லலாம்.
எந்த ஆராய்ச்சியாளரும் ஒரு பிரச்சனைக்கு தீர்வு காண்பர். அதுபோன்று தான் ஊஹான் நகரில் தொடங்கிய நோய் மற்ற சீன நகரங்களுக்குப் பரவாமல் தடுக்கப் பட்டு விட்டது. அரசு விதித்த கட்டுப் பாடுகளும் தளர்த்தப் பட்டன. ஆனால் அப்படி துரித நடவடிக்கை எடுக்காத அமெரிக்காவும், இத்தாலியும் மிகவும் பாதித்துள்ளனர். அமெரிக்கா சென்றவர்களுக்கு தெரியும் அங்கு சீன மக்கள் அதிகம் வசிக்கின்றனர். அதேபோன்று இத்தாலியில், சீன மக்கள் 3,15,000/ மக்கள் வசிப்பதாக சொல்லப் படுகிறது. அங்குள்ள தொழிற்சாலைகளில் சீனர் பெரும்பாலும் வேலை செய்கின்றனர்.  அவர்கள் சீன புத்தாண்டுக்கு ஊஹான் நகருக்கு சென்று வந்ததாக கூறப் படுகிறது. அவர்களை விமான நிலையத்திலேயே தணிக்கை செய்யவில்லை என்றும் கூறப் படுகிறது. அதேபோன்று அமெரிக்காவில் கொரானா பரிசோதனை நிலையம், அட்லாண்டா மாநிலத்தில் தான் இயங்குவதாகவும், ஆகவே பல நகரங்களிலிருந்து வருகின்ற சோதனைகள் தாமதம் ஏற்பட்டதால் பலர் பாதிக்கப் பட்டதாகவும், தற்போது தான் பல நகரங்களில் பரிசோதனை நிலையங்கள் ஏற்படுத்தியுள்ளதாகவும் கூறப் படுகிறது.
அதனை உறுதி செய்யும் விதமாக ஜான்ஸ் ஹாப்கின்ஸ் பல்கலைக் கழக இயக்குனர், கபோர் கலேன், என்பவர் கூறும்போது அமெரிக்க அரசு முன்கூட்டியே நடவடிக்கை எடுக்கவில்லை, தேவையற்ற கட்டுப் பாட்டால் வாஷிங்டன், கலிபோர்னியா மாநிலங்களில் பின்பு 21 மாநிலங்களில் காலந்தாழ்த்தி நடவடிக்கை எடுத்துள்ளது என்று குறை கூறியுள்ளார்.
கொரானா நோய் எப்படி இருக்கும்: இந்த வைரஸ் சுவாசக் கால்வாயை தடித்த சளியை உருவாக்கி, அந்த சளி உறைவதன் மூலமாக சுவாசப் பாதையை அடைகிறது. மருந்தின் மூலம் சிகிச்சை செய்யப் பட்டு அடைப்புகள் நீக்கப்பட்டு சுவாசப்  பாதை திறக்கப் பட வேண்டும். அப்படி திறப்பதற்கு பல நாட்களாகும். அப்படி ஏற்படும் அடைப்புகள் வராமல் தடுப்பது எப்படி என்று சீன மருத்துவர்கள் கூறும் அறிவுரையானது என்னெவென்றால்,
1)            சூடான தண்ணீர், டீ, காபி சூப்பு போன்றவைகளை 20 நிமிடத்திற்கு ஒரு தடவை எடுக்க வேண்டும், 2) சூடான தண்ணீரில், உப்பு, எலுமிச்சை சாறு, வினிகர் கலந்து அடித்தொண்டை ஈரம் படும்படி கொப்பளிக்க வேண்டும், 3) உடையில் கூட ஒட்டும் தன்மை கொண்டது. ஆகவே வெளியில் சென்று வந்ததும் உடுத்திய துணியினை சோப்புப் போட்டு தப்பி விட வேண்டும், 4) இந்த நோய் உலோக மேற்பரப்பில் 9 நாட்கள் வரை இருக்கும். ஆகவே அவைகளை சோப்புப் போட்டு சுத்தம் செய்ய வேண்டும். 5) கூடியமானவரை காய் கறி உணவுகள், மற்றும் வைட்டமின் சி உள்ள ஆரஞ்சு போன்ற பழவகைகளை உண்ணுங்கள் போன்றவையாகும்.
கொரானா நோய்க்கு மலேரியா நோயினை குணமாக்கக் கூடிய Hydro Chloroquine மற்றும் Azithromycin போன்ற மாத்திரைகள் கொண்டு குணமாக்கலாம் என்று கூறப் படுகிறது. ஆனால் அது நூறு சதவீதம் வெற்றி என்று கூறமுடியாது.
கொரானா நோயால் இறந்தவர்கள் 42000 என்றும் அதில் பாதிக்கப் பட்ட ஸ்பெயின் நாட்டின் இளவரசி மரியா தெராசாவாவும் ஒருவராவார். பாதிக்கப் பட்ட முக்கிய பிரமுகர்கள் பட்டியலில் இங்கிலாந்து பிரதமர் போரிஸ் ஜான்சனும், அவருடைய சுகாதார மந்திரியாகும். ஜேர்மன் நிதி  மந்திரி இந்த நோயால் தனது நாட்டு வருமானம் போய் விடுமோ என்று பயந்து தற்கொலை செய்து கொண்டதாக கூறப் படுகிறது. உலக வங்கி அறிக்கையில் கொரானா நோயால் உலகில் 1கோடியே பத்து லட்சம் பேர் வறுமையால் வாடுவார்கள் என்று சொல்கிறது.
இந்தியாவில் நோயை கட்டுப் படுத்த மூன்று வாரங்கள் ஊரடங்கு சட்டம் 25ந்தேதி நடு இரவு முதல் திடீர் என்று அறிவிக்கப் பட்டவுடன், ஏழைகளும், நடுத்தர வர்க்கத்தினரும், வியாபாரிகளும், தொழிலாளர்களும் பெருமளவிற்கு பாதிக்கப் பட்டுள்ளனர். நாட்டின் பொருளாதார வளர்ச்சி 6 சதவீதத்திலிருந்து இரண்டு சாதமாக வீழ்ச்சி அடையுமென்று உலக பொருளாதார அமைப்புக் கூறுகிறது(IMF). ஒரு மாநிலத்திலிருந்து மற்றொரு மாநிலத்திற்கு வேலைக்குச் சென்ற தொழிலாளர்கள் தங்களுடைய மாநிலத்திற்கு பல நூறு மைல்கள் நடந்தே பெண்கள், பச்சிளம் குழந்தைகள், மூட்டை, முடிச்சுகள் தலையில் சுமந்தபடி சென்ற காட்சி கண்ணீரை வரவழைக்கவில்லையா உங்களுக்கு.
            அப்படி சென்ற மக்களை எல்லையில் தடுத்து நிறுத்தியும், அவர்கள் மீது கிருமி நாசினியை அடித்து குழுப்பாட்டி கண்ணெரிச்சல் உண்டாக்கியது மனித உரிமை ஆணையத்தின் கண்டனத்திற்கு ஆளாகி இருப்பதேன் என்று கேள்வி கேட்காமல் இருக்க முடியவில்லை. பாண்டிச்சேரி மாநிலம் முதலிப் பட்டுக் கிராமத்தில் தங்கள் எல்லையில் அடுத்த கிராமத்தினர் வரக்கூடாது என்று தடைகள் ஏற்படுத்திய காட்சி பத்திரிக்கை படம் போட்டுக் காட்டின. ஏன் ஈரோட்டிலிருந்து தனது சகோதரி மற்றும் மைத்துனருடன் கோவைக்கு தனது வீட்டிற்கு விடுமுறையில்  சென்ற பெண் நீதிபதியினை அந்த  குடியிருப்பு வாசிகள் எதிர்ப்பு தெரிவித்ததால் அவர் ஈரோட்டிற்கே திரும்பிவிட்டதாக செய்தி வெளியாகி உள்ளது. ஆகவே இந்தியாவில் இன்னொரு உத்தமபுரம் வந்து விடுமோ என்றும் அஞ்ச வேண்டியுள்ளது.
தெரிவித்ததால் ஈரோட்டிற்கே திரும்பி வந்து விட்டதாக செய்தி வந்துள்ளதே, அது போன்ற  சங்கடங்கள் ஏற்படாமல் இருப்பதற்கு சில நாள் கால அவகாசம் கொடுத்திருந்தால் தடுத்திருந்திருக்கலாமே என்று உங்களுக்கு என்னத் தோன்றவில்லையா?
இந்த அறிவிப்பால் சில நல்ல செய்திகளும் வந்துள்ளன. அவைகள்:
1) அரசு ஊழியர்கள், தொழிலாளர்கள் நீதிபதிகள் தங்கள் வீடுகளில் முடங்கி கிடப்பதினால் வீட்டு வேலைகளை செய்வதற்கு மனைவி மார்களுக்கு உதவி செய்கிறார்கள். சென்னை உயர்நீதியரசர் அவர்கள், 'நான் முதல் தடவையாக விடுமுறையில் வீட்டில் இருந்ததால் மனைவிக்கு அடுப்படியில் காய், கறி நறுக்கி உதவி செய்தேன் என்று கூறுகிறார்.
2) கொரானா நோயில் பாதிப்பு ஏற்படாமல் இருக்க முகக் கவசம் முக்கியமானதாக கருதப் படுகிறது. அது கிடைப்பதில் சிரமமும் ஏற்பட்டுள்ளது. இதனையறிந்த சென்னை அனீஸ் புர்கா முதலாளி கபீர் அவர்கள் தன்னிடம் உள்ள புர்கா துணிகளைக் கொண்டு தான், அவருடைய மகன், பேரன் ஆகியோருடன் மிகக் கவசம் தைத்து கேட்கும் மருந்துக் கடைகளுக்கு குறைந்த விளையான ரூ 15/ க்கு தைத்துக் கொடுத்ததாக சொன்னார். ஆகவே முழு அடைப்பு என்று வீட்டில் வெறுமனே இருந்து விடவில்லை என்பது பாராட்டக்கூடியது தானே !
3) 3) உணவிற்கு மீன், கறி ஆகியவைகளின் விலை அதிகமானதால் காய்கறிகள் சமைக்கும் கட்டாயம் வந்து விட்டது. ஆகவே கிராமத்திற்கு திரும்பியவர்கள் வயல்களில் பெற்றோர், உறவினருடன் சேர்ந்து வேலை செய்யும் காட்சியினைக் காண முடிகிறது.
4) சிறுவர் முதல் பெரியவர் வரை வீட்டில் இருப்பதால் அலுவல் காரணமாக இதுவரை சென்றவர்கள் தங்கள் வீட்டில் உள்ளவர்களிடம் மனம் விட்டு பேசி, மகிழ முடிகிறது.
5) வெளி நாட்டில் உள்ளவர்களுக்கு வரிசையில் நின்று தங்கள் அலுவல் முடிக்க வேண்டும் என்ற பழக்கம் உள்ளது. ஆனால் நமக்கு அந்த பழக்கமில்லை. திருமண பந்திக்குக் கூட அடித்துப் பிடித்து இடம் பிடிக்கும் பழக்கம் உள்ளது. 2016 நவம்பர் மாதம் 8ந் தேதி ரூ. 1000/ ரூ. 500/ செல்லாது என்று அறிவித்தபோது, கையிலிருக்கும் ரூபாய் நோட்டுக்களை மாற்ற முண்டியடித்து வங்கியில் நுழைந்தபோது கிட்டத்தட்ட 100 பேர்கள் இறந்ததாக கூறப் படுகிறது.  ஆனால் தற்போதுள்ள கட்டுப் பாட்டில் டீக்கடையில் கூட டிக் குடிக்க இடைவெளி விட்டு சுண்ணாம்பால் அல்லது பெயிண்டால் போட்ட வட்டத்திற்கும் நின்று டீ வாங்கி குடிக்கும் பழக்கத்தினை இந்த ஜனதா ஊரடங்கு ஏற்படுத்தியுள்ளது என்றால் பாராட்டாமல் இருக்க முடியவில்லை.
கொரானா ஏற்படுத்திய தாக்கத்தில் சில புதிய கண்டுபிடிப்புகள் நடந்துள்ளன, அவை:
1) நோயாளிகளுக்கு  தீவிர சிகிச்சை தேவைப் படும்போது வெண்டிலேட்டர் அவசியம். தரமான வெண்டிலேட்டர் விலை ரூ. 4000000/ என்று கூறப் படுகிறது. அவற்றினையே IIT ஐராபாத் மாணவர்கள் இந்தியாவில் ரூ 6 லட்சம் விலைக்கு கிடைக்கக்கூடிய, 'Bag Valve' வெண்டிலேட்டர் தயாரித்துள்ளார்களாம்.
2) நோயாளிகளை மருத்துவமனைக்கு கொண்டு செல்லும்போது அங்கே கிருமிகள் பரவும். அதனைப் போக்க புது விதமான Scitech ஐரோம் Purifier கண்டு பிடித்துள்ளார்களாம். அதனை வைத்தே சீனாவில் கொரானா நோய் மருத்துவமனை மூலம் பரவாமல் தடுத்து விட்டார்களாம்.
கொரானா நோயைக் கட்டுப் படுத்த மக்கள் நிதியினை வாரி வழங்க வேண்டுமென்று வேண்டுகோள் விடப் பட்டு பல பிரமுகர்கள், சினிமா நட்சத்திரங்கள், தொழில் அதிபர்கள் நன்கொடை கொடுக்க வந்தது பாராட்டத் தக்கது. அதே நேரத்தில் அரசால் வசூலிக்கமுடியாத கடன் என்று ரூ. 1,14, 000/ கோடிகள் முதலாளிகளிடமிருந்து தள்ளுபடி செய்யப் பட்டு பல வங்கிகள் சமீபத்தில் திவாலானது. அப்படிப் பட்டவர் சொத்துக்களை அவசர சட்டம் மூலம்  கைப்பற்றினால் பல லட்சம் கோடிகள் கிடைக்குமல்லவா? அதனை ஏன் அரசு செய்யவில்லை என்று மக்கள் கேள்வி எழுப்பாமல் இருக்க முடியவில்லை தானே!
கொரானா நோய் இந்தியர்களுக்கு புதிதல்ல மாறாக அறிந்த ஒன்று தான் அதனை கட்டுப் பாட்டுடன் எதிர் கொள்ளுவதோடு அரசுடனும் பொது மக்கள் ஒத்துழைப்பு கொடுக்க வேண்டும் என்றால் சரிதானே!


Saturday, 18 January, 2020

வாழ்க்கை ஓர் எதிர் நீச்சல்!



(டாக்டர் ஏ.பீ. முகமது அலி, ஐ.பீ.எஸ்(ஓ)
‘life is not a bed of roses என்று ஆங்கிலத்திலும் ‘வாழ்க்கை ஒரு மலர் படுக்கை இல்லை’ என்று தமிழிலும் சொல்லுவார்கள். நம்மிடையே பலர் ஓஹோ என்று ஒரு சமயத்தில் வாழ்ந்து  தாழ் நிலைக்கு வந்த பின்னர் அல்லது ஏழ்மையில் துவண்டோ உள்ளவர்கள்  இனி நமக்கு வாழ்வு ஒரு இருண்ட உலகம் என்று எண்ணி மூலையில் முடங்கி விடுவர். ஆனால் வாழ்க்கை ஒரு எதிர் நீச்சல், இடையில் வரும் சில தடுமாற்றங்களை எதிர்த்து  துணிவுடன் போராடினால் நிச்சயமாக வெற்றிக் கொடி நாட்ட முடியும் என்று சில உதாரணங்களால் விளக்கலாம் என்று எண்ணுகின்றேன்.
            ஒரு காலத்தில் மேற்கு வங்க நிழல் உலக தாதா நிஜ்ல் அக்காரா எப்படி பிற்காலத்தில் பிரபல நடிகராகி, சமூக சேவை நாயகனாக திகழ்கிறார் என்பதினை உங்களுடன் பகிர்ந்து கொள்ளலாம் என நினைகின்றேன். அக்காராவிற்கு இரண்டு வயதாக இருக்கும்போது அவருடைய தந்தையினை இழந்தார். அம்மா வீட்டு வேலைக்காக பல இடங்களுக்குச் சென்றார். அக்காரா கயிறு காட்டாத நாயைப் போல தெருவில் அலைந்தான் . தன் தாய் வீட்டு வேலை செய்துவிட்டு திரும்பும்போது அவன்  தூங்கி விடுவான். ஏழ்மையாக இருந்தாலும் அவனுடைய தாய் அவனை தூய சேவியர் பள்ளியில் படிக்க வைத்தார். நிஜ்ல் பத்தாவது தேர்வு முடிந்த பின்பு ஒரு நண்பன் தகராறுக்காக ஹாக்கி காம்பினை எடுத்து கிளம்பி தூள் பரத்தி விட்டான். பலன் காவல் நிலையத்தில் அடைபட்டு நீதிமன்றத்தில் நிறுத்தப் பட்டான். அங்கே வந்த தாயின் முகத்தினை ஏரெடுத்தும் பார்க்க முடியாத குற்ற உணர்வு. ஒரு தடவை காவல் நிலையத்தினை மிதித்த கால்கள் நின்று விடாமல் தொடர்ந்து சிறு சிறு தெரு சண்டையில் ஈடுபட்டு ஜெயிலில் அடைக்கப் பட்டு கொடுமையினை அனுபவித்தான். இருந்தாலும் அவனுக்கென்ற ஒரு இளைஞர் பட்டாளமே ஜெயிலில்  இருந்தது. பிறகு என்ன அவன் தான் அந்தக் கூட்டத்தில் தலைவன். சிறைக்குள்ளிலிருந்தே தனது குற்ற செயல்களை நிறைவேற்றினான்.
            திகார் ஜெயிலில் ஐ.ஜி. கிரேன் பேடி கைதிகள் சீர்திருத்த நடவடிக்கைகள் எடுத்தது போல கல்கத்தா ஜெயிலில் ஐ.ஜி.யாக இருந்த பி.டி. சர்மா சீர்திருத்த நடவடிக்கைகளை எடுத்தார். நிஜ்ல் விக்கியின் திறமைகளைப் பார்த்து அவனை அலக்நந்தா என்ற நடன மாஸ்டர் குழுவில் சேர்த்து அவனை சிறந்த நடன கலைஞர் ஆக்கினார். அதன் பின்பு ஒரு நாடக குழுவில் சேர்த்து ரவீந்திர நாத் எழுதிய பால்மீகி பிரதிபா என்ற நாவலினை நாடகமாக்கி எப்படி  ரத்னாகர் என்ற குற்றவாளி பிற்காலத்தில் வால்மீகி என்ற சீர்திருத்தவாதியானான் என்ற பாத்திரத்தில் நடிக்க வைத்தார். அதுவே பிற்காலத்தில் அவன் திருந்தி வாழ வழி வகுத்தது. சிறைச் சாலையில் ஒன்பது வருடம் கழித்தபின்பு அவனுடைய வழக்கில் நீதிபதி அவனை குற்றமட்டவன் என்று விடுதலை செய்தது. சிலையிலிருந்து விடுதலையான அவனை அவனுடைய தாயார் கொல்கத்தாவினை விட்டு சென்று விடுமாறு வற்புறுத்தினார். ஆனால் அவன் தாயாரிடம், 'உறுதியாக தான் இழந்த மரியாதையினை  திரும்ப பெற்றுத் தருவேன்' என்று உறுதி கூறினான்.
            அவன் பல்வேறு வேலைக்கும் மனு செய்தான்ஆனால் அவனைப் பற்றி தெரிந்ததும் ஒருவரும் வேலை கொடுக்க முன்வரவில்லை. ஒரு வேலைக்காக நேர்முக தேர்வினுக்கு காத்துக் கொண்டிருக்கும்போது அவன் அந்த அலுவலகத்தில் சுத்தம் செய்யும் தொழிலாளியினைப் பார்த்தான். உடனே தனது முன்னாள் நண்பர்களையெல்லாம் சேர்த்து ஒரு சுத்தம் செய்யும் அலுவலகம் ஆரம்பித்தால் என்ன என்று யோசனை செய்து அதனையே தொடங்கிவிட்டான். பிற்காலத்தில் அந்த அலுவலகம் செக்யூரிட்டி, வீடுகள்-அலுவலகங்கள்   பராமரிப்பு, விடுதி, ஹோட்டல் போன்றவைகளுக்கு தேவைப் படும் ஆட்களை அனுப்பும் கம்பனியாக உருவெடுத்தது. அவனுடைய அலுவலகம் 500 தொழிலாளர்கள் கொண்டவையாக இருந்தது அதில் 80 பேர் முன்னாள் குற்றவாளிகள்.  அவனுடைய கம்பனி பற்றி கேள்விப் பட்ட IIM கொல்கத்தா அவனுடைய திறமையினை பற்றி ஆராய்ச்சி செய்தார்கள் என்றால் அதிசயம் தானே!
            அவனுடைய உடல் வாகு, நடன நயம் அறிந்த சினிமா தயாரிப்பாளர்கள் அவனை 2012ல் அணுகி சினிமாவில் நடிக்க வைத்தனர். முதலில் பெங்காலி சினிமாவில் ஆரம்பித்து பிற்காலத்தில் மலையாள சினிமாவிலும் நடிக்க ஆரம்பித்தான். அவன் 2019ல் நடித்த Gotra என்ற படம் சிறந்த படமாக தேர்ந்தெடுக்கப் பட்டுள்ளது. சினிமாவில் நடித்தாலும் அவன் சமூக சேவை நோக்கத்துடன் ஒரு சொசைட்டி ஆரம்பித்து அதில் முன்னாள் குற்றவாளிகள், பாலின தொழிலார்கள், போதைக்கு அடிமையானவர்களை நல்வழிப் படுத்தினான். ஒரு தடவை அவன் ஒரு மாளிகையில் சுத்தம் செய்யும் தொழில் செய்தபோது ஜன்னல் வழியே அங்கே இருந்த ஆடம்பரமான சோபா அமைப்புகளைப் பார்த்து தானும் அதுபோன்ற சோபாவில் அமரவேண்டும் என்று எண்ணினான். அவன் எண்ணப் படியே இரண்டு வருடத்திற்குப் பின்பு தனக்கென்று ஒரு அலுவலகத்தில் அதேபோன்று சோபா செட்டில் அமர்ந்து வேலை பார்க்கும் தகுதியினை எட்டிவிட்டான். கிராமத்தில் ஒரு பழமொழி சொல்வார்கள் , 'எண்ணம் போல வாழ்க்கை' என்று விக்கியின் எண்ணமும் தானும் சமுதாயத்தில் உயர்த்த மனிதனாக வாழ்வதோது நலிந்த பிரிவினருக்கும் உதவ வேண்டும் என்ற  புனிதமான எண்ணம் இருந்தால் இறைவன் அவனுக்கு  துணையாக இருந்தான் என்றால் மறுக்க முடியாதுதானே!
            இந்தியாவில் பெண்களை கோவில்களில் கடவுளுக்காக அர்ப்பணித்த முறை தேவதாசி ஆகும். அப்படி செயல்பட்ட பெண்கள் பிற்காலத்தில் பாலின தொழிலாளர்கள் ஆனார்கள். அந்த முறையினை ஒழிக்க டாக்டர் முத்துலட்சுமி ரெட்டி அவர்கள் 1930 ஆண்டு சென்னை மேல் சபையில் ஒரு தீர்மானம் கொண்டு வந்தார். ஆனால் அந்த தீர்மானம் பெரியார் போராட்டத்திற்குப் பின்பு அப்போதைய சென்னை மாகாண பிரதான மந்திரியான ஓ.பீ . ராமசாமி ரெட்டியார் காலத்தில் இந்தியா சுதந்திரம் அடைந்த பின்பு அக்டோபர் 9, 1947 (மெட்ராஸ் தேவதாசி ஒழிப்பு சட்டம்) நிறைவேறியது. அந்த சட்டத்தினை பின்பற்றி பல மாகாணங்கள் தேவதாசி ஒழிப்பு சட்டம் நிறைவேற்றின. அதுபோன்று   தேவதாசி முறையில் தள்ளப் பட்ட ஒரு ஏழைப் பெண்ணின் கண்ணீர் கதையினை இங்கே காணலாம்.
            கர்நாடகாவும்-கோவாவும் பக்கத்து மாநிலங்கள் என்று உங்களுக்குத் தெரியும். அப்படி கர்நாடக  மாநிலத்திலிருந்து பஞ்சம் பிழைக்க கோவா வந்து குடிசைப் பகுதியில் வசித்த ஒரு குடும்பத்தில் பிறந்தவர்  தான் பிமாவா சாலவாடி குடும்பத்தில் மூத்த பெண். அவர் 15 வயதாக இருக்கும்போது வறுமையின் கோரப் பிடியிலிருந்து தப்பிக்க அவரது தாயார்  அந்த பகுதியில் உள்ள கோவிலின் சாமிக்கு தேவதாசியாக அர்ப்பணித்தார். அதன் பின்பு அவரை பாலின தொழில் நடத்தும் ஒரு பெண்ணுக்கு விற்று விட்டார். பல பாலின வியாபாரிகளிடம் கை மாறிய  பிமாவிற்கு இப்போது வயது33. அவர் பாலின தொழிலில் ஈடுபட்டிருந்தபோது Anyway Rahit Zindagi (ARZ ) என்ற தொண்டு நிறுவனம் 2003ம் ஆண்டு மீட்டு அரசு தொண்டு இல்லத்தில் சேர்த்தது. அங்குள்ள  தன்னைப் போல பாலின தொழிலில் துவண்ட பெண்களின் கண்ணீர் கதைகள் பிமாவின் உள்ளத்தை உருக்கியது. 
            அந்த அரசு புனர்வாழ்வு மையத்தில் பல்வேறு கைவினைப் பொருட்களை கற்றுத் தேர்ந்தார் பிமாவா. எங்கே அவளையும் மற்ற பெண்களையும் பாலின தொழிலில் ஈடுபடுத்தினார்களோ அங்கே எல்லாம் மற்ற பெண்களுடன் சென்று அந்த தொழிலில் ஈடுபட்டுள்ள பெண்களிடம் விழிப்புணர்வு ஏற்படுத்தினார். சில வருடங்களுக்குள்ளே பல நூறு பெண்களை நல்வழிக்குக் கொண்டு வந்தார். அத்துடன் நிற்கவில்லை, தன்னை நம்பி வந்த பெண்களுக்கு வழி காட்டவேண்டுமென்று ARZ அமைப்பின் உதவியால் 'Swift wash' என்ற சலவைத் தொழிலிலை ஆரம்பித்து  பெண்களுக்கு வேலை கொடுத்தார். பிற்காலத்தில் அந்த நிறுவன மேலாளராகவும் நியமிக்கப் பட்டார். தன்னுடைய விடாமுயற்சியால் தேவதாசி என்ற சாக்கடையிலிருந்து மீண்டது மட்டுமல்லாமல் தன் குடும்பத்தினை காப்பாற்றுவதோடு , தான் படிக்காவிட்டாலும் தன்னுடைய சகோதரிகளை நல்ல கல்வி நிறுவனங்களில் படிக்க வாய்ப்பினை பெற்று தந்துள்ளார்.
            ஆகவே குற்றப் பின்னெனி உள்ளவர்கள், குடிமக்கள், போதைக்கு அடிமையானவர்கள், வியாபார, தொழிலில் நலிவடைந்தவர்கள் தங்கள் வாழ்க்கை இருண்டு விட்டது என்று எண்ணாமல் இருளுக்குப் பின்பு ஒளி இருக்கின்றது என்று வாழ்க்கையே ஒரு சவால் என்று எடுக்க வேண்டுமென கேட்டுக் கொள்கிறேன்!

Monday, 6 January, 2020

அடிக்க அடித்ததான் வீறுகொண்டு எழும் பந்து ஒடுக்க ஒடுக்கத்தான் பட்டொளி வீசும் தீன் கொடி!



(டாக்டர் ஏ.பீ. முகமது அலி, பிஎச்.டி.ஐ.பீ.எஸ்.(ஓ )
அன்றாட செய்தி தாள்களும், தொலைக் காட்சியும் முஸ்லிம்கள் பல்வேறு நாடுகளில் வீடிலிழந்து, உணவிழந்து, உடுக்க துணியில்லாமல், அழும் பிள்ளைகளுக்கு கூட பால் கொடுக்கமுடியாத அவல நிலையும், காயத்திற்கும், நோய்களுக்கும் கூட மருத்துவ வசதியின்றியும், மழையிலும், ஓடும் தண்ணீரிலும், சகதியும், சேரும் கொண்ட கூடாரங்களில் புழுக்கள் போல வாழும் நிலையினைக் கண்டு மனம் வெதும்பி வேதனை கொள்ளச் செய்கின்றதல்லவா? அவைகளைப் பார்க்கும் போது முஸ்லிம் மக்களுக்கு பெரிய சோதனை ஏற்பட்டுள்ளது அதனால் இஸ்லாம் நலிவுற்றுடிமோ என்ற எண்ணம் உங்களிடையே ஏற்படலாம். ஆனால் இஸ்லாமிய வரலாறுகளை உற்று நோக்குவோமானால், இஸ்லாம் புவியில் சிறு குழந்தையாக பிறந்ததிலிருந்து பல இன்னல்களை சந்தித்து வெற்றி நடை போட்டுக் கொண்டுள்ளது என்பதினை சில உதாரணங்களைக் கொண்டு விளக்கலாம் என எண்ணுகின்றேன்.
            உஹது  யுத்தத்தில் ரசூலுல்லாஹ் ஆணைக்கு இணங்க மலைமேல் இருந்த அம்பு எறியும் வீரர்கள் குறைஷியர் அற்ப செல்வங்கங்களுக்கும், கேடயங்களுக்கும் ஆசைப் படாமல் இருந்திருந்தால் நிச்சயமாக உஹதுப் போரில் வெற்றி பெற்றிருப்பார்கள்  என்று என்று எல்லாம் வல்ல அல்லாஹ் 'அல் இம்ரான்' அத்தியாயத்தில் கூறியுள்ளான். மேலும் அல்லாஹ் 'தவறு செய்தவர்வர்களை ஒரு போதும் மன்னிக்க மாட்டான்' என்று அத்தியாயம் 3/140 ல் கூறியுள்ளான். ஆனால் அந்த உஹது யுத்தத்தில் நம்பிக்கைக்கு பாத்திரமான வீரமிக்க ஹம்சா,முசாபின் உமைர் போன்றவர்கள் மடிந்தாலும், உஹது போரில் குறைஷியர்களுக்கு வெற்றிக் கனியினை தேடித் தந்த தளபதிகளான அபுசுஃபியான் மற்றும் காலித் பின் வாலித் போன்றவர்கள் வல்ல நாயன் அல்லாஹ் இஸ்லாமிய மார்க்கத்தின் பால் பிற்காலத்தில் திருப்பியது இஸ்லாத்தினையும், இஸ்லாமியர்களையும் ஒருபோதும் அழிக்க முடியாது என்பதினை காட்டவில்லையா ?
            அலி(ரழி ) அவர்களுக்கு வழங்கப் பட்ட கலீபா பட்டத்திற்கு எதிர்ப்பு தெரிவித்து முஸ்லிம்களிடையே சிவில் யுத்தம் கி.பி. 656 ல் தொடங்கி கி.பி.661 ல் அலி(ரழி )கொல்லப் பட்டார்கள். அதன் பிறகு சிரியாவினை தலை நகரமாகக் கொண்டு முவாவியா கலீபா ஆனார். அவர் வம்சம் 90 ஆண்டுகள் ஆட்சி செய்து ஆப்பிரிக்கா , ஸ்பெயின், ரோம் , பைசான்டின் வரை நீண்டது. சுலைமான் மாக்னிபியின்ட் என்பவரால் பெல்க்ரேடு, வியன்னா , ரஸ்யா மற்றும் போர்துகீஸ் வரை இஸ்லாமிய ஆட்சி காலடி வைத்தது.
            இஸ்லாமிய பொற்காலம் என்று இபின் அபாஸிட் சாம்ராஜ்யம் கி.பி.750 லிருந்து கி.பி. 1258 வரை பாக்தாத்தினை தலைநகராக கொண்டு விளங்கியது. பெருளாதாரம், விஞ்ஞானம், கலாட்சாரம் மற்றும் அரசியலில் கொடிகட்டிப் பறந்தது. அதன் பின்பு மங்கோலியர் படையெடுப்பினால் சிறுக சிறுக மறையத் தொடங்கியது.  ஆப்கான், முகலாயர் போன்ற சாம்ராஜ்யங்கள் ஆசியாவில் தங்களுடைய ஆதிக்கத்தினை செலுத்தினாலும் பிற்காலத்தில் முஸ்லிம் மார்க்கத்தினிடையே ஷியா, சுன்னி பிரிவுகளில் யார் பெரியவர் என்ற போட்டியாலும், ஐரோப்பிய அரசுகளின் தொழில் புரட்சியில் ஏற்பட்ட மாற்றத்தினாலும் நவீன ஆயுதங்கள் கொண்ட போரினாலும் மங்கத் தொடங்கியது.
            இந்த சந்தர்ப்பத்தினை பயன்படுத்தி இத்தாலி, ஆங்கிலேய அரசுகள் இஸ்லாமியர் வசமிருந்த நாடுகளை ஒவொன்றாக கைப்பற்ற ஆரம்பித்தன. ஒரு கட்டத்தில் இத்தாலி, அரசு முஸ்லிம்களின் புனித தலங்களான மக்கா , மதினாவினை என்றும் பயமுறுத்தின. அவர்களுடைய பயமுறுத்தளுக்குப் பயந்து ‘கமால்  அத்தா துருக்’ துருக்கிய அரசினை மேற்கிந்திய கலாசாரத்திற்கு மாற்றம் செய்வதே ஒரே வழி என்ற நிலைக்கு தள்ளப் பட்டார். முஸ்லிம்களிடையே ஒற்றுமை இருந்திருந்தால் மேற்கத்திய நாடுகளால் இன்று இஸ்லாமிய நாடுகள் அச்சுறுத்தும் நிலை இல்லாமல் இருந்திருக்கும்.
            ஒற்றுமை பற்றி ரசூலுல்லாஹ் கூறியதாக அபு மூஸா(ரலி) அவர்கள், 'ஓர் இறை நம்பிக்கையாளர் மற்றொரு இறை நம்பிக்கையாளருக்கு கட்டிடத்தினைப் போன்றவர். அதன் ஒரு பகுதி மற்றொரு பகுதிக்கு உறுதுணையாக இருக்கிறது. அதன் உதாரணமாக தங்களுடைய கை விரல்களைக் கோர்த்து காட்டினார்கள், என்று கூறியுள்ளார். அந்த ஒற்றுமை இல்லாததால் வளைகுடா மற்றும் ஆப்பிரிக்க நாடுகளில் பல்வேறு இன்னல் ஏற்பட்டுள்ளன.
ஆப்பிரிக்க கண்டத்தில் செங்கடல் பகுதியினை யார் ஆதிக்கம் செலுத்துவது என்ற போட்டியாலும், துருக்கி அரசு, ஜெனம பகையாளிகளாக உள்ள ஈரான், சௌதி அராபிய அரசுகளில் உள்ள கருத்து வேறுபாடுகளினால் குழம்பிய குட்டையில் மீன் பிடிக்க முயற்சி செய்கிறது. சௌதி அராபிய நாடு மற்றும்  ஐக்கிய அரபு குடியரசுகளால் பொருளாதார தடையினை கத்தார் அரசின் மீது விதித்து நசுக்க முயன்றது. அதுவும் எந்த நேரத்தில் என்றால் 20202உலக கால்பந்தாட்ட நிகழ்ச்சிகளுக்கு தன்னை தயார் செய்து கொண்டிருந்த  நிலையில். ஆனால் கத்தார் அரசின் சிறந்த நடவடிக்கையால் தன்னை நிமிர்ந்து நிற்க செய்துள்ளது என்பதினை அனைவரும் ஒப்புக் கொள்வர். செங்கடல் பகுதியில் உள்ள துறைமுகங்களை யார் ஆதிக்கம் செலுத்துவது  என்ற போட்டியில் வளமான ஏமன் நாட்டில் போரினால் களையிழந்து காணப் படுகிறது.
            வஹாபிஸ சௌதி அரசு தன்னுடைய ஆதிக்கத்தினை ஆப்பிரிக்க நாடுகளான சாட், சூடான், சோமாலியா, ஏரி ட்டேரியா, எத்தியோப்பியா  போன்றவற்றில் செலுத்த ஆரம்பித்தது. ஆனால் சௌதி அரசு எகிப்து அரசுடன் இணக்கமாக செயல் பட மு டியாத நிலை ஏற்பட்டது. காரணம் நைல்நதியின் கப்பல் போக்குவரத்தினை யார் ஆதிக்கத்தில் கொண்டுவருவது போன்ற போட்டியால் எகிப்து அரசின் ஜனாதிபதி சிசியுடன் ஒத்துப் போகமுடியவில்லை. அதேபோன்று சூடான் நாட்டின் புரட்சியால் ஜனாதிபதி பசீர் ஆட்சி விலக்கப் பட்டு புதிய அரசும் ஏற்பட்டது. அதற்கு போட்டியாக ஈரான் தனது ஆதிக்கத்தினை ஈராக், சிரியா, ஏமன் மற்றும் லிபியா போன்ற நாடுகளில் தலையிட்டது.  சௌதி அரேபியா, மற்றும் ஐக்கிய அரபு குடியரசுகள் தீவிரவாத அமைப்புகளான முஸ்லிம் பிரதர்ஹூட், இஸ்லாமிக் ஸ்டேட், அல் க்கைடா, போகோ ஹராம் போன்ற அமைப்பின் ஆதிக்கத்தினை விரும்பவில்லை.  அதேபோன்றே துருக்கியின் ஆதிக்கத்தினையும் விரும்பவில்லை. இவ்வாறு இஸ்லாமிய நாடுகளிடையே ஒற்றுமை இல்லாததால் முஸ்லிம் மக்கள் அகதிகளாக பெரும்பாலும் பெண்கள் குழந்தைகள் முதியோர் பாதிக்கப் பட்டுள்ளனர். பெண்கள் கற்பினை இழந்துள்ளனர்., குழந்தைகள் கடத்தப் பட்டுள்ளனர்,அடிப்படை வசதிகள் கூட இல்லாமல்  சேருக்குள்ளும், சகதிக்குள்ளும், மருத்துவ வசதியில்லாமல் வாழ்கின்ற காட்சிகளை தினந்தோறும் தொலைக்காட்சியில் காணும்போது கல் மனதும் கரையாமல் இல்லைதானே !
            இது வரையில் உள்நாட்டுப் போரில் உயிரிழந்தவர்கள் பட்டியலிட்டால் மாயாது, முடியாது. அவை :
1) சோமாலியா யுத்தத்தில் 5,50,000/
2) எத்தியோப்பியா எரிட்டோரியா யுத்தத்தில் 75,000/
3) அல்ஜீரியா யுத்தத்தில் 1,50,000/
4) அர்மேனியா அசர்பைசான் யுத்த்தில் 35,000/
5)  ஆப்கானிஸ்தான் யுத்தத்தில் 2,00,000/
6)  ஈராக் யுத்தத்தில் 2,00,000/
7)  சிரியா யுத்த்தில் 3,20,000/
8) தெற்கு   சூடான் யுத்தத்தில் 10,000/
9) உக்ரைன் யுத்தத்தில் 2,500/
10)  ஏமன் யுத்தத்தில் 10,000/        
உள்நாட்டுப் போர்கள், பக்கத்து நாடுகளுடன் நடந்த சண்டைகள் போன்றவை இஸ்லாமிய நாடுகளில் அமெரிக்கா, ருசியா, பிரான்ஸ் போன்ற நாடுகளின் தலையீடுகள் அதிகரிக்கத் துடங்கியது. இஸ்லாமிய நாடுகள் மேற்கத்திய நாடுகளிடம் ஆயுதங்களை வாங்கி குவிக்கச் செய்தன. எண்ணெய், மற்றும் கனிம வளங்கள் அந்த அரசுகளால் கொள்ளை போயின. அதனால் சொந்த மண்ணை விட்டு அந்நிய நாடுகளுக்கு அகதிகளாக செல்ல முஸ்லிம்கள் தலைப் பட்டனர். அப்படி செல்ல முற்பட்டவர்கள் பலர் கடலிலேயே சமாதியாயி விட்டனர் என்பதினை தொலைக் கட்சி நிறுவனங்கள் படம் போட்டுக் காட்டின. அப்படி அகதிகளாக சென்ற முஸ்லிம்கள் பக்கத்து நாட்டு முஸ்லிம் அரசுகளுக்கு பெரும் பொருளாதார சுமையாக அமைந்து விட்டனர்.
போரினால் அகதிகளாக இடம் பெயர்ந்த முஸ்லிம்கள் பின்வருமாறு:
1) சூடான்-5,00,000/
2) டார்பூர் -20,00,000/
3) பாலஸ்தீனம்-40,00,000/
4) ஈராக் -20,00,000/
5) ஆப்கானிஸ்தான்-30,00,000/
கிட்டத்தட்ட 1,40,00,000/ மக்கள் அகதிகளாக இடம் பெயர்ந்துள்ளனர்.
இவ்வளவு அழிவுகள் இருந்தாலும் முஸ்லிம் மக்கள் ஜனத்தொகை 2006 ம் ஆண்டிலிருந்து 2011 வரை 1.8/ சதவீதம் அதிகரித்துள்ளது. ஆனால் உலக மக்கள் தொகை 1.1/ சதவீதம் தான் அதிகரித்துள்ளது. PEW(Centre for strategic and international studies) என்ற ஆராய்ச்சி நிறுவனம் தனது ஆய்வில் கடந்த 20 வருடங்களாக முஸ்லிம் அல்லாதவர்களை விட முஸ்லிம்கள் இரு மடங்காக அதிகரிக்கும் என்று கூறியுள்ளது. அதற்கான காரணங்களாக 1) முஸ்லிம்களிடையே இளைஞர் பட்டாளம் அதிகம், 2) குழந்தைகள் பிறப்பது, 3) இஸ்லாமியா மார்க்கத்தின் பால் ஈர்க்கப்பட்டும், 4) அகதிகளாக இடம் பெயர்வதினாலும் என்று கூறுகின்றனர்.
2013 ல் 49 முஸ்லிம் நாடுகளில் ஜனத்தொகை 150 கோடியாக இருந்தது. அது 2019 ல் 190 கோடியாக உயர்ந்து உலக மக்கள் தொகையில் 24.4 சதவீதமாக முஸ் லிம் ஜனத்தொகை உள்ளது, அல்ஹம்துலில்லாஹ்.
யானைப் படைகளுடன் மக்கா நகரைப் பிடித்து, அங்குள்ள புனித தலமான ஹரத்தினை அழிக்க எதிரி கங்கணம் கட்டிக்கொண்டு யானைப் படையில் வரும்போது வல்ல நாயன் பறவைகள் மூலம் சுடு கற்களைக் கொண்டு அந்தப் படையினை நிர்மூலமாக்கினான் என்ற வரலாறு உங்களுக்கெல்லாம் தெரியும். ஆகவே இஸ்லாத்திற்கு எதிராக களம் இறங்கியவர்கள் இறுதியில் இஸ்லாத்தினை வெல்ல முடியாமல் மண்ணைக் கவ்வியது உங்களுக்குத் தெரியும். ஆகவே இஸ்லாத்தினையும், இஸ்லாமிய மக்களையும் எந்த ஆதிக்க சக்திகளும் அடக்கி விடமுடியாது, இஸ்லாம் அடிபட்ட பந்துபோல மென்மேலும் வளரும் என்பது சரிதானே!