தேர்தலும் தில்லு முள்ளு பரபரப்பும்  

( டாக்டர் ஏ.பீ.முகமது அலி,ஐ.பீ.எஸ்(ஓ} 

  

1947ம் ஆண்டு இந்திய சுதந்திரம் அடைந்ததிற்குப் பின்பு அரசியல் சட்டம் 32ன் படி 'Representation of the People  Act அடிப்படியில் நடத்தப் படும் என்று இந்திய பாராளுமன்றம் அறிவித்தது. அது சீர்திருத்த, மத சார்பற்ற, ஜனநாயக, மக்களாட்சி  அமைப்பாக இருக்க வேண்டும்.அதன் முக்கிய சரத்துகள்: 

1) தேர்தல் படிப்படியாக நடத்தப் படும். 

2) தேர்தலில் போட்டி இடுவோர் குற்ற வழக்குகளில் தண்டிக்கப் பட்டவராகவும், அரசு வேலை ஒப்பந்ததாராகவும் இருக்கக் கூடாது. 

3) சட்டம் 29ன் படி அரசியல் கட்சிகள் தேர்தல் கமிஷனில் பதிவு செய்திருக்க வேண்டும். 

4) தேர்தல் கமிஷன் அமைப்பது மற்றும் அவர்கள் செயல் பாடுகள் சம்பந்தமாக, 

5) தேர்தல் பல தடவைகளாக நடத்துவது. 

6) தேர்தலுக்கு உதவி செய்வதிக்கு தேவையான அதிகாரிகளை நியமிப்பது மற்றும் அவர்கள் செயல் பாடுகள் கட்டுப் படுத்துவது. 

7) தேர்தல் நடப்பதில் குறைகளை நிவர்த்தி செய்வது. 

8) தேர்தல் நடைமுறைகளில் சீர்திருத்தம் செய்வது. 

போன்றவையாகும். 

யார் யாருக்கு ஒட்டுப் போடும் உரிமையுள்ளது: 

18 வயதினை நிரம்பிய ஒவ்வொரு குடிமகனும் மதம், மொழி, ஜாதி, இனம் வேறுபாடின்றி ஒட்டுப் போட உரிமை பெற்றவர்கள்  

வாக்காளர் ரகசிய முறையில் ஒட்டுப் போட்டு அதனை ரகசியமாக பாதுகாப்பது. 

தேர்தல் கமிஷன் தன்னிறைவு பெற்ற அமைப்பாகும். 

தேர்தல் ஐந்தாண்டுகளுக்கு ஒரு முறை பாராளுமன்றத்திற்கும், சட்டசபைக்கும் நடத்தப் படும், அவைகள் அவசர காலத்தில் கலைக்கப் படும் வரை. இந்திய தேர்தல் பல அரசியல் காட்சிகளை கொண்டதாகும். தேர்தல் கமிஷன் சுதந்திரமாக நியாயமாகவும் நபட்டியல் டக்க வேண்டும். 

தேர்தல் கமிஷன் ஒரு அரசியல் அமைப்பு அங்கமாக, நிரந்திரமாக ஆரம்பத்தில் அமைக்கப் பட்டது. 

18.10.1989ல் இரண்டு தேர்தல் கமிஷனர் கொண்ட அங்கமாக ஆக்கப் பட்டது. 1993ம் ஆண்டு மூன்று தேர்தல் கமிசனனாகர்கள். அதில் ஒருவர் தலைமை  கமிஷனராகவும், இருவர் கமிஷனராகவும் இருப்பார்கள். அவர்கள் 6 வருடங்கள் அல்லது 65 வயது வரை பணியாற்றுவார்கள். அவர்களை தேர்தல் செய்ய உச்ச நீதிமன்ற தலைமை நீதிபதியும், பிரதமரும், பாராளுமன்ற எதிர் கட்சி தலைவரும் ஒரு குழு பரிந்துரை செய்யும், அவர்களை ஜனாதிபதி நியமிப்பார். இந்தியாவில் இதுவரை 18 மக்களவை தேர்தல் நடத்தப் பட்டுள்ளது. 

தேர்தலில் அதிக ஓட்டுக்கள் வேட்பாளர் ஒரு ஒட்டு வித்தியாசத்தில் இளையான்குடி சட்டசபை 1980ல் சிவசாமி வெற்றி பெற்றதும், திருப்பத்தூர் டிவிக்கே வேட்பாளர் 2026ல் வெற்றி பெற்றதும் உதாரணமாகும். பட்டியலின மக்களுக்கும், தலித் மக்களுக்கும் தனி இடங்கள் ஒதுக்கப் படும். 

First-Past-The-Post தனிநபர் தொகுதிகளில் வெற்றி பெருவரே தேர்வானார் ஆவார் என்ற முறை கனடா, இங்கிலாந்து, இந்தியாவில் உள்ளது. 

2) Two Round System அல்லது (Run-Off) முறை என்பது, எந்த வேட்பாளரும், தனி பெரும்பான்மை பெறவில்லையெனில் இரண்டாவது தேர்தல் முறை முதல் இரண்டு வேட்பாளருக்கும் நடக்கும் , அதற்கு உதாரணமாக பிரேசில் நாட்டில் தற்போதைய ஜனாதிபதி லூலா டி சில்வாவிற்கும், பொலிஸாரோனோவிற்கும் நடந்த தேர்தலில் எந்த வேட்பாளரும் ஐம்பது சதவீத ஓட்டுக்கள் பெறவில்லையென்று மறு தேர்தல் நடக்கிறது.  

3) Single Transferable Vote(Run-Off) என்பது எந்த ஒரு வேட்பாளரும் குறிப்பிட்ட ஓட்டுக்களை விட அதிகம் பெற்றால் அவரின் ஓட்டுக்கள் அவருக்கு அடுத்தபடியாக வந்த வேட்பாளருக்கு கொடுத்து உதவும் முறை அயர்லாந்து, மால்டா போன்ற நாடுகளில் உள்ளது. 

கத்தோலிக் மத குருவான போப் வேட்டிகன் நகரில் கத்தோலிக்கர்கள் மட்டும் ஓட்டுப்போட உரிமையுண்டு. 

பிஜி நாட்டில் அந்த நாட்டு மக்களுக்கு மட்டும் ஓட்டுப்போட உரிமையுண்டு. சௌதி அராபியாவில் மன்னராட்சி முறை இருந்தாலும் முனிசிபல் அளவிற்கு பெண்களுக்கு ஓட்டுரிமை 2015ல் அனுமதிக்கப் பட்டது. லெபனான் நாட்டில் குறிப்பிட்ட அளவில் ஓட்டுரிமையுள்ளது, பெண்கள் ஓட்டுப்போட ஆரம்ப கல்வி பெற்றிருக்க வேண்டும். 

 

 

பாகிஸ்தானில் பாராளுமன்ற ஜனநாயகம் கொண்டது. தேசியளவில் கூட்டாட்சி தத்துவமும், 4 மாகாணங்களுக்கும் தேர்தல் நடக்கும். 

1.8.2025தேதி லோக் சபா எதிர்க்கட்சி தலைவர் 2024ல் நடந்த தேர்தலில் கர்நாடகா மஹாதேவ்புரா அசெம்பிளி தொகுதியிவ் வாக்காளர் பட்டியல் தயார் செய்தபோது முறை கேடு நடந்துள்ளது என்று குற்றம் சாட்டியிருந்தார். அதனைத் தொடர்ந்து தற்போதுள்ள தேர்தல் தலைமை தேர்தல் கமிஷனருக்கும் , மற்ற இரண்டு கமிஷனர்களுக்கும் SIR என்ற தேர்தல் வாக்காளர் பட்டியல் திருத்தம் சம்பந்தமாக கருத்து வேறுபாடு ஏற்பட்டதாகவும், சிறப்பு முகாம்கள் மூலம் 1.08 கோடி வாக்காளர்கள் பெயர்கள் நீக்கப் பட்டதாகவும், அவர்கள் பதிந்து கொள்ள போதிய அவகாசம் இல்லாது தமிழ்நாடு, கேரளம் மற்றும் மேற்கு வங்கம் போன்ற மாநிலங்களுக்கு சட்டசபை தேர்தல் நடத்தப் பட்டதாகவும் , அந்த மாநிலங்களில் எதிர் காட்சிகள் ஆட்சி நடத்துவதால் அதில் மத்திய அரசு தலையிட்டு மத்திய அரசுக்கு தலைவலியாக இருப்பதாகவும் அவர்களை தோற்கடிக்க வேண்டும் என்ற நோக்கத்துடனேயே தேர்தல் கமிஷன் தலைமை தேர்தல் .ஆணையிருடன் உதவியுடன் நீக்கப் பட்ட வோட்டர்களை அவர்கள் மேல் முறையீடு செய்யும் முன் தேர்தல் நடத்தப் எதிர்க்கட்சி ஆளும் மாகாண அரசினை கவிழ்த்து விட்டதாகக் கூறி ஆர்ப்பாட்டங்களும், அதனைத் தொடர்ந்து வன்முறைகளும் நடந்து வருவதனை நீங்கள் பத்திரிக்கை மற்றும் தொலைக் காட்சிகள் மூலம் பார்த்துக் கொண்டுதான் இருக்கிறீர்கள். 

1990ம் ஆண்டு வரை தேர்தலில் காகித தாள் மூலம் தான் ஒட்டு போடும் இருந்தது. அப்படி ஒட்டுப் போடும்போது ஓட்டுகளை கைப்பற்றுவதும், சில இடங்களில் அதிகாரம் படைத்தவர்கள் ஒட்டுப் போடும் பெட்டியையினையே தூக்கிச் செல்வதும், ஓட்டுகளை கிழித்து எறிவதும் வழக்கமாக இருந்தது. 1983ம் ஆண்டு திருச்செந்தூர் மறு தேர்தலில் ஒட்டு எண்ணும் இடத்தில் சில ஒட்டுக் கட்டுகளை ஒரு கட்சியின் பெண் பிரதிநிதி தனது காலுக்கிடையே எடுத்து மறைத்துக் கொண்டதும், அதனை தேர்தல் அலுவலர் RDO அன்புராஜ் கண்டு பிடித்து ஒரு புகார் கொடுத்ததின் பெயரில் அலுவலில் இருந்த நான் அதனை கைப்பற்றி RDO அவர்களிடம் ஒப்படைத்து விட்டேன். பிற்காலத்தில் அந்த பெண் பிரமுகர் நான் 2001ல் சி.பி.சி.ஐ.டியில் இருக்கும் போது என்னை சந்திக்க வந்தார். அவரிடம் நான் கேட்டேன், 'ஏன் அவ்வாறு செய்தீர்கள்' என்று, அதற்கு அவர் அந்த ஓட்டுக்களை வெளியே கொண்டு வந்து அரசியலில் ஒரு புயலை கிளப்ப ஒரு திட்டம் இருந்தது. இதுபோன்ற சம்பவங்கள் தடுக்கவே EVM மெஷின் மூலம் ஒட்டுப் போடும் முறை 1998ம் ஆண்டு கொண்டு வரப் பட்டது. 

EVM மெஷின்களை கட்டுப் படுத்துவது, control மெஷினாகும். ஒட்டுப் போடுவோர் எந்த வேட்பாளருக்கு வோட்டுப் போட்டோம் என்று அறிந்து கொள்ள VVPAT என்ற மெஷின் உள்ளது. ஆனால் அதன் பிரதியை வோட்டர்களுக்கு வழங்குவதில்லை. சமீப நவீன காலங்களில் சமூக வலைத்தளங்களான DEEP FAKE, Troll FORMS தவறான செய்திகளும், Cyber attack, Hacking போன்றவற்றையாலும், முறை கேடான பண பரிமாற்றங்களாலும் வெற்றிகளை அபகரிக்க முடியும் என்ற குற்ற சாட்டுகள் எழுந்துள்ளன. வல்லமை கொண்ட நாடான அமெரிக்காவின் ஜனாதிபதி தேர்தலின்  போது குறுக்கீடு இருந்ததாகவும், கனடா தேர்தலிலும் சீன, ரசியா குறுக்கீடு செய்ததாகவும், சூப்பர் கணினியினையே சூறையாடும் ஹேக்கிங் இருக்கும்போது, EVM control மெஷின்களை இடையூறு செய்ய எவ்வளவு நேரமாகும். என்று பார்த்துக் கொள்ளுங்கள். 6.10.2026ல் மதுராந்தகம் இடைத்தேர்தலில் ஒட்டு எண்ணும்போது முதல் ரவுண்டு மெஷின் திறக்க முடியாமல் இருக்கும்போது இரண்டாவது மெஷினை எண்ணுவதற்கு எடுக்கக் கூடாது என்று கூறிய சுயேட்சை வேட்பாளர் ரகுபதி வெளியேற்றப் பட்டதும் தொலைக் காட்சியில் பார்த்திருப்பீர்கள். இது இப்படி இருக்க தாராபுரம் சட்டசபை இடைத்தேர்தலில் ஓட்டுப்போட ஆயுசு அம்மாள் என்ற முதியவர் சென்றபோது அங்குள்ள அதிகாரி ஒரு குறிப்பிட்ட வேட்பாளருக்கு ஒட்டுப் போடும்படி சொன்னதும், அதனைத் தொடர்ந்து வாக்குவாதம் ஏற்பட்டு அந்த அலுவலர் மாற்றப் பட்டதும் ஒரு செய்தியே. 

சமீபத்தில் அமெரிக்க தொழில் அதிபர் எலன் மஸ்க் ஒரு பேட்டியில், இந்திய தொழில் அதிபர் அம்பானி பிஜேபி கட்சிக்கு பல கோடி ரூபாய் தேர்தலுக்காக கொடுத்திருக்கிறார் என்றும், அதேபோன்று அதே தொழிலதிபர் தனது நாட்டைச் சார்ந்த அதிபருக்கு தேர்தலுக்கு பண உதவி செய்ததாகவும் குற்றச் சாட்டுள்ளது. 

  

ஆகவே அரசுகள் அதுபோன்று தொழிலதிபர்கள் வெற்றியினை தீர்மானிக்க முடியாமலும், சமூக வலைத்தளங்கள், நவீன மெஷின்கள் மூலம் திருடாமலும், தேர்தல் நடத்தும் அமைப்பு ஆளும் கட்சிக்கு ஆதரவாக செயல் படாமலும் செய்வது ஒவ்வொரு குடிமகனுக்கும் உள்ள கடமையல்லவா?